ಪ್ರೀತಿ..
ಪ್ರೀತಿ ನೀ ಎಲ್ಲಿಂದ ಬಂದೆ ?
ನನ್ನೀ ಎದೆಗೂಡಲಿ ನಿನ್ನ ದೀಪವ ಹಚ್ಚಿದವರಾರು?
ನೀ ನೆಲೆಸಿ ನನ್ನಲಿ
ಕಳಚಿದೆ ಎಲ್ಲಾ ಬಂಧನವ
ತೊರೆದೆ ನಾ ಎಲ್ಲಾ ಭೇದ ಭಾವವ
ನಿನ್ನಿರುವಿಕೆ ಅರಿತ ಮೇಲೆ
ನಗುತಿದೆ ಮನಸು
ಅರಳಿದೆ ಹೃದಯ
ಹಗುರಾಯಿತು ತನುವು
ಜಗವು ಸುಂದರ,ನಿರ್ಮಲ
ನೀ ನನ್ನ ಅಪ್ಪಿದೆ
ಮೊದಲು ತಾಯಿಯಾಗಿ
ಕಂಡೆ ನೀ ತಂದೆಯಲ್ಲಿ
ಅಣ್ಣ ತಂಗಿಯಲ್ಲಿ,ಅಕ್ಕ ತಮ್ಮನಲ್ಲಿ
ಗೆಳೆಯ ಗೆಳತಿಯರಲ್ಲಿ
ಬಂಧುಬಾಂದವರಲ್ಲಿ
ಇಡೀ ಸಮಾಜದಲ್ಲಿ
ಇಷ್ಟಾದರೂ ಸಾಲದೆಂದು
ನನಗಾಗಿ ನೀ ನೆಲೆನಿಂತೆ
ನನ್ನ ಮುದ್ದು ಗೆಳತಿ,ನಲ್ಲೆಯ ರೂಪದಲ್ಲಿ...
- Indushekar Chinivar
26 May 2017, 04:44 pm
Download App from Playstore: