ಕಡಲ ತೀರವ ಸೇರಬಲ್ಲೆನು.....
ಸಾಗಬಲ್ಲೆನು ನಾನು ಏಕಾಂಗಿಯಾಗಿ
ಬಹುದೂರ ಪ್ರಯಾಣದ ಆಕಾಂಕ್ಷಿಯಾಗಿ
ಬಾಳ ನೌಕೆಯ ಸಾಗಿಸಬಲ್ಲೆನು
ಎಂತ ಬೀರುಗಳಿಯು ಬೀಸಿದರು
ನೌಕೆಯನೆ ಮುಳುಗಿಸುವ ಅಲೆಗಳೆ ಬಂದರು
ಕಡಲ ತೀರವ ನಗುತಲೇ ಸೇರಬಲ್ಲೆನು
ಜೊತೆಗಾರರೆ ತೊರೆದದ್ದನು ಕಂಡಿರುವೆನು
ಅರಿಯದವರು ಜೊತೆಗೆ ಸೇರಿದನು ಒಪ್ಪಿಕೊಂಡಿರುವೆನು
ನಗುತಲೆ ಹಲವರು ಅಳಿಸಿದನು
ಅತ್ತಾಗ ಹಲವರು ಕಣ್ಣೀರ ಒರೆಸಿದನು ನೋಡಿರುವೆನು
ಅನುಭವಿಸುತಲೆ ಕಡಲ ತೀರವನು ಸೇರಬಲ್ಲೆನು
ಪ್ರೀತಿಯ ಸುಖವನ್ನು ಅನುಭವಿಸಿರುವೆನು
ದ್ವೇಷದ ನೋವನ್ನು ಉಂಡಿರುವೆನು
ಎಲ್ಲರಿಗೂ ಪ್ರೀತಿ ಹಂಚಿ ಸಂಭ್ರಮಿಸಿರುವೆನು
ನಾ ಪಡೆದ ಪ್ರೀತಿಯಲಿ ಮೋಸವ ಕಂಡು ನೊಂದಿರುವೆನು
ಮೋಹ ಮದ ಮಾತ್ಸರ್ಯಗಳ ಹಾಗೂ ಹೋಗುಗಳ ಅರಿತಿರುವೆನು
ಸರಿ ದಾರಿಯಲೆ ಕಡಲ ತೀರವ ಸೇರಬಲ್ಲೆನು
ಕಂಡಿರುವೆನು ನೌಕೆಯಲಿ ಏಳು ಬೀಳನು
ಸ್ವೀಕರಿಸಿರುವೆನು ಸೋಲು ಗೆಲುವಿನ ಸಿಹಿ ಕಹಿಯನ್ನು
ಅರಿತಿರಲು ಸೋಲಿನ ಪಾಠವನ್ನು
ನೋಡಿರಲು ಗೆಲುವಿನ ಹಿತವನ್ನು
ಅರಿತು ಕಡಲ ತೀರವ ಸೇರಬಲ್ಲೆನು
- ಶ್ರೀಕಾವ್ಯ
29 May 2017, 04:11 pm
Download App from Playstore: