ವಿರಹ
ಹೋಗಿದ್ದೆಲ್ಲಿಗೆ ಕಾಣದ
ದೂರದೂರಿಗೆ
ಈಗ ಬರುವೆನೆಂಬ
ಸುಳ್ಳು ಪೊಳ್ಳು ಬೇರೆ,
ನಿನಗೆಲ್ಲಿ ತಿಳಿದಾತು
ಈ ಹಸುಗೂಸು ಚೇತನದ
ಒದ್ದಾಟ..!!!
ಇಷ್ಟು ದಿನ ನೀ ಬಯಸಿದ್ದ ಮಿಂಚು
ನನ್ನ ನಯನ ಹೊನಲಲ್ಲಿತ್ತು,
ಹಠಾತ್ತನೆ ಈಗೇನಾಯಿತೋ?
ದೂರದೂರ ಮಿಂಚುಹುಳವೂOದು
ನಿನ್ನನ್ನೂಯ್ದು ರಮಿಸಿತ್ತೋ?
ಅದಾವ ಮೋಹನ
ರಾಗಕ್ಕೆ ಮರುಳಾದಿಯೋ..!!!
ಹಣೆತುಂಬ ಮುತ್ತುಗರೆದೆ,
ಬಾಂದಳದ ಸುಖವನಿತ್ತೆ,
ಅಪ್ಪುಗೆಯ ಶಾಕವಿನ್ನು
ಸಹಜ ಸ್ಥಿತಿಗೆ ತಲುಪಿಲ್ಲ
ಅಷ್ಟು ಬೇಗ ಹೊರಟೆಯಲ್ಲ,
ದೂರದೂರ ರಮಣನನರಸಿ
ಕೊನೆಯ ಮುತ್ತಲಿ ನಂಜು ಬೆರೆಸಿ..!!!
ಹೋದೆ ಸರಿ
ನೆನಪುಗಳ ಬುತ್ತಿ ಇಲ್ಲೇ ಬಿಟ್ಟದ್ದು ಏಕೆ?
ವಿರಹದೀಟಿ ಹೃದಯದೊಳಗೆ ನುಗ್ಗಿ
ನೋವನುಣಿಸುತ್ತಿರುವುದೇಕೆ?
ಎದೆಹೂವ ಹಿಚುಕಿ
ಶೋಕ ಶಾಖ ಹರವಿ
ದೂರದೂರಿಗೆ ಹೊರಟೆಯೇಕೆ?
-ಕನ್ನಡ ಭಕ್ತ
- ಕನ್ನಡದ ಭಕ್ತ
30 May 2017, 04:42 pm
Download App from Playstore: