ಹೊರಟಿರುವೆ ದೂರ ನೀನು....
ಹೊರಟಿರುವೆ ತುಂಬಾ ದೂರ ನೀನು
ಕೈ ಸೇರಿದ್ದ ಪ್ರೀತಿ ಜಾರಿ ಹೋಯಿತೇನು
ಹೊರಟಾಗ ಕೂಗಿ ಕರೆಯಲು ಮಾತೆ ಬಾರದಾಯಿತಲ್ಲ
ನೀ ಹೊರಟ ಮೇಲೆ ಮನಸಿನ ನೋವು ಹೇಳಿತೀರುವುದಲ್ಲ
ನುಡಿದೆ ಮಾತು ಅರಿಯದೆ ಮನಸ
ಮಾತಲ್ಲೆ ಕೊಂದೆಯಲ್ಲ ನನ್ನೆಲ್ಲ ಕನಸ
ಮನಸ ಅರಮನೆಗೆ ಅರಸಾದವನು ನೀನೆನೆ
ಅಲ್ಲಿ ಈಗ ಇರುವುದೆಲ್ಲ ಸ್ಮಶಾನ ಮೌನನೆ
ಸೋತ ಮನಸು ಮತ್ತೆ ಕರೆಯದೆ ಬೀಳ್ಕೊಟ್ಟಿದೆ ನಿನ್ನನು
ನಿನ್ನೆಲ್ಲ ನೆನಪುಗಳು ಎಡಬಿಡದೆ ಕಾಡುತಿವೆ ನನ್ನನು
ತಿರುಗಿ ನೋಡದೆ ಜಾರುತಿದ್ದ ಕಣ್ಣಹನಿಯ ಕಾಣದೆ ಕುರುಡಾದೆ ನೀನು
ನನ್ನೆಲ್ಲ ಭಾವವ ತಿಳಿಸಿ ಹೇಳಲಾಗದೆ ಮೂಕಿಯಾದೆ ನಾನು
ನೀ ಸಾಗುವಾಗ ಮನಸು ಕಂಡ ನೋವಿಗೆದರಿ ಕಲ್ಲಾಯಿತಲ್ಲ
ನೀನಿರದೆ ಈ ಜೀವವು ಕ್ಷಣಕ್ಷಣಕು ಬರಡಾಗುತಿದೆ ನಲ್ಲ
ನಿನ್ನಲೂ ತುಂಬಿದೆ ಈ ಬೀಳ್ಕೊಡುಗೆಯ ನೋವು
ಬರಬಾರದಿತ್ತೆ ನಗುತ ನಾವು ಜೊತೆ ಇದ್ದಾಗಲೆ ಆ ಸಾವು
ಕಾಯುತಿರುವೆನು ಕಾಲ ಸರಿದರು ನಿನ್ನ ಹಾದಿಯನೆ ನಾನು
ಮತ್ತೊಮ್ಮೆ ತಿರುಗಿ ನೆನೆದು ಇತ್ತ ಬಂದು ಬಿಡು ನೀನು
ಒಡೆದ ಮನಸುಗಳು ತಿಳಿಯಲಿ ದೂರ ಇರುವ ನೋವು
ಇನ್ನೆಂದು ದೂರ ಸರಿಯದಂತೆ ಇರಲಿ ನಮ್ಮ ಮನವು
ಮತ್ತೆ ಸೇರಿ ಜೊತೆಯಾಗಿ ಬಾಳುವ ಕರೆಯುವರೆಗೆ ಸಾವು
- ಶ್ರೀಕಾವ್ಯ
30 May 2017, 07:36 pm
Download App from Playstore: