ಗೋವು..ಇದು ನನ್ನ ಬಾಳು...
ಎಲ್ಲರಂತೆ ಅರಳಿದೆ ಈ ಭುವಿಯಲಿ ನಾನು
ಮನೆಯ ಜನರಂದರು ಛೆ!!!
ಹೆಣ್ಣು ಹುಟ್ಬಾರ್ದಿತ್ತೆ.. ಹಾಲು ಕರೆಯೊದು..
ನನ್ನ ಜಗತ್ತಲ್ಲಿ ಗಂಡಾಗಿ ಹುಟ್ಬಾರ್ದು...
ನಾಲ್ಕು ದಿನ ಕಟ್ಟಿದರು ಮನೆಯಲಿ
ಮತ್ತೆ ಅಟ್ಟಿದರು ಬೀದಿಗೆ..ಕೂಳು ದಂಡ
ತಾಯಿ ಮಮತೆಯ ಹಾಲು ದೂರ...
ತೊಟ್ಟಿಯ ಕಸವೇ ಆಹಾರ...
ಹಗಲು ಸುತ್ತುವೆ ಪೇಟೆ ಬೀದಿಯಲಿ
ಕಾಯುವೆ..ನೀವೆಸವ ಕೊಳೆತ ಹಣ್ಣು ತರಕಾರಿಗೆ
ಉಣ್ಣುವೆ ತರಾತುರಿಯಲಿ ಪ್ಲಾಸ್ಟಿಕ್ ಚೀಲದೊಡನೆ...ಹಸಿವಲಿ
ಹೀಗೆ ಬೆಳೆದೆ ಬೀದಿ ಬಸವನಾಗಿ...
ಶುರುವಾಯಿತು ನನಗೂ ಶನಿಯ ಕಾಟ...
ಮನೆಯಲ್ಲಿ ಶುರುವಿಟ್ಟರು ವ್ಯಾಪಾರದ ಆಟ..
ಬರುವ ಹಣಕೆ ಆಸೆಪಟ್ಟು
ಪೇಟೆಯಲಿ ಸುತ್ತುವಾಗ..ಕಟುಕರ ಮಾರಿ ಕಣ್ಣು..
ಒಮ್ಮೆ ಹೀಗೆ..ಕತ್ತಲಾಗಿತ್ತು
ಆತುರದಿ ನಡೆದೆ ಮನೆಯ ಕಡೆಗೆ
ಯಾರೊ ನನ್ನ ಕರೆದರು ಮೆಲ್ಲನೆ...
ಒಮ್ಮೆಲೆ ನಿಂತೆ..ಅಷ್ಟೇ..
ಹತ್ತಾರು ಕೈಗಳು ಹಿಡಿದವು ಬಲವಾಗಿ
ಎತ್ತೊಯ್ದರು ನನ್ನ ವ್ಯಾನಲಿ..ಕ್ಷಣಮಾತ್ರದಲಿ...
ಮಾರನೆಯ ದಿನ...ನೇತಾಡುತ್ತಿದ್ದೆ ಅಂಗಡಿಯಲಿ..
ನಿತ್ಯದಂತೆ ಜನ ಚೌಕಾಸಿ ಮಾಡುತ್ತಿದ್ದರು
ನನ್ನ ಮಾಂಸಕ್ಕಾಗಿ...
- Indushekar Chinivar
09 Jun 2017, 06:36 pm
Download App from Playstore: