ಮನದ ಕನ್ನಡಿ !
ಯಾರಾದರೂ ನನಗೆ ಕುರೂಪವಾಗಿ ಕಂಡರೆ
ನನಗನ್ನಿಸುವುದು,
ನನ್ನ ಮನವೇಕೆ ಇಷ್ಟೊಂದು ಕುರೂಪ?
ತೋರುತಿಹುದು ಎದುರಿನ ಮುಖದಲ್ಲಿ
ನನ್ನದೇ ನಿಜ ರೂಪ!
ಪ್ರತಿ ಮನುಜನ ಮುಖವೂ ಒಂದು ಕನ್ನಡಿ
ನಮ್ಮ ಮನದ ಭಾವನೆಗಳ ತೋರಿಸುವ ಕೈಪಿಡಿ
ಸುಂದರವಾಗಿದ್ದರೆ ನಮ್ಮ ಮನ
ಎದುರಿದ್ದವರ ಮುಖವೊಂದು ಹೂಬನ
ಕೊಳಕಾಗಿದ್ದರೆ ನಮ್ಮದೇ ಒಳ ಮನ
ತೋರುವುದು ಎದುರಿನ ಮುಖದಲ್ಲಿ
ತೊಳೆಯಲಾಗದ ನಮ್ಮದೇ ಕೊಳಕನ್ನ!
ತಿಕ್ಕಿ ತೊಳೆದಿಟ್ಟುಕೊ ನಿನ್ನ ಮನವ
ದಿನವೂ ತೊಳೆದಂತೆ ಹೊರ ಚರ್ಮವ
ಶುಭ್ರ ಮನದಲಿ ಹೊಳೆವುದು
ಎದುರಲ್ಲಿ ಕಾಣುವ ಪ್ರತಿ ಮುಖವು.
- ಶ್ರೀಗೋ.
10 Jun 2017, 07:16 pm
Download App from Playstore: