ಪ್ರಸವದ ಮುನ್ನ
ಹುಟ್ಟುವ ಕೂಸು ನೀನಾರೊ
ಬಲ್ಲವರಾರು......
ಆತಂಕದಲಿ ಕಾಯುವರು
ಬಂಧುಗಳು.......
ಅಲ್ಯಾರೊ ಕೂತು ಬೇಡುವರು
ವಾರಸುದಾರ ಬರಲೆಂದು
ಇಲ್ಲಿ ತಾಯಿ ಹೃದಯ ಬೇಡುವುದು
ನನ್ನ ಕಂದ ಆರೋಗ್ಯವಾಗಿರಲೆಂದು
ಒಡನೆಯೆ....ಮಗನೆ ಬೇಕೆಂದು!
ದೇವನು ದಯೆ ತೋರಿಸಲು
ಗಂಡು- ಹೆಣ್ಣಿನ ಜನನವಾಗಲು
ಆ- ತಾಯಿಯ ಕೋರಿಕೆ ಪಲಿಸಲು
ಮನದಲಿ ನುಡಿಯಿತು ಮಧುರ ವೀಣೆಯು.....ಇನಿಯನ ನಗುವಿನಲಿ
ಅತ್ತೆ- ಮಾವನ ಮೊಗದಲ್ಲಿ ಮಂದಹಾಸವು ಮೂಡಿತು
ಗಂಡು ಮಗುವಿನ ನೆರಳಲ್ಲಿ
ಹೆಣ್ಣು ಮಗುವಿನ ನೋವು ಮರೆಯಾಯಿತು.........
ಅಂತು ಒಬ್ಬ ಅಳಿಯ ಬಂದನೆಂದು
ಅತ್ತೆಯ ಮನವು ಸಡಗರದಿ
ತಾ ಓಲಾಡಿತು ಮೈದುಂಬಿ
ನಾಕವೆ ನಿಲಯವ ಆಶ್ರಯಿಸಿತು!
ಪುತ್ರ ವ್ಯಾಮೋಹಕ್ಕೆ
ಈ ಜನ ಸಿಲುಕಿರಲು
ಮೋಕ್ಷಕ್ಕಾಗಿ ಮೊರೆಹಿಡುವರು
ದುರಾದೃಷ್ಟವಶಾತ್
ಅವರೆ ಒಂದು ದಿನ ಬೀದಿಗಟ್ಟುವರು!
ಬಿಡಿರಿ ವ್ಯಾಮೋಹವ!
ಕಾಪಾಡಿ ಸಮತೋಲನವ!
ಶಾರಧ
- ಶಕುಂತಲಾ
12 Jun 2017, 06:19 pm
Download App from Playstore: