ಆಗದೇ....
ಒಂಟಿ ಮರದಿ ಎಲೆಗಳಿಲ್ಲ
ಒಂಟಿ ಕೋಗಿಲೆ
ನೀ ಮರದಿ ಕುಳಿತು
ಹಾಡಲದು ಚಿಗುರಲಾರದೇ!!
ಮೋಡದಲ್ಲಿ ಹನಿಗಳಿಲ್ಲ
ಮುದ್ದು ಗಿಣಿಗಳೇ
ನೀವು ಮುಗಿಲ ಮುಟ್ಟಿ
ಮುತ್ತನಿಡಲು ಮಳೆಯು ಸುರಿಯದೇ!!
ಕಡಲಿನಲ್ಲಿ ಅಲೆಗಳಿಲ್ಲ
ಓ ಜಲಚರಗಳೇ
ನೀವು ಹರುಷದಿ ಒಮ್ಮೆ
ಆಡಿ ಕುಣಿಯಲು ಅಲೆಯು ಬಾರದೇ!!
ಇರುಳಿನಲ್ಲಿ ಕಣ್ಣ ಮುಚ್ಚಿ
ಕುಳಿತರೆ ಏನಿದೇ
ಹಣತೆ ಹಿಡಿದು ನಿಂತ ಮೇಲೆ
ದಾರಿ ಕಾಣದೇ!!
ಬಾಳಿನಲ್ಲಿ ಒಂಟಿತನದ
ಗೋಳು ಅಡಗಿದೇ
ನೀ ಒಡನೆ ಬೆರೆಯೇ
ಒಂಟಿತನವು ದೂರ ಸರಿಯದೇ!!
- ಪಿ.ಜಿ.ಜ್ಯೋತಿ
12 Jun 2017, 08:04 pm
Download App from Playstore: