ಹೆತ್ತ ತಾಯಿಯ ಎಂಜಲ ತುತ್ತು
ಹೆತ್ತ ತಾಯಿಯ ಎಂಜಲ ತುತ್ತು
ಬಾಯಿಗಿಡುವಳು ತಾನು ಸವಿದು
ತನ್ನ ಕಂದನಿಗೆ ರುಚಿಸುವುದೇ ಎಂದು
ಅರಿತು.............
ಉಪ್ಪು ,ಹುಳಿ ,ಖಾರ ನೋಡಿ
ತನ್ನೊಡಲ ಮಮಕಾರ ತುಂಬಿ
ನಾಳಿಗೆಯಲ್ಲಿನ ಗ್ರಂಥಿಗಳಿಗೆ ಹೇಳುವಳು........
ನೋಡೇ ರುಚಿಯ ನಾಲಿಗೆ ನನ್ನ ಮಗುವಿಗೆ
ತುತ್ತು ಕೊಡಬೇಕು ಹಸಿವಿನಿಂದ ಅಳುತ್ತಿದೆ
ನಾಕೊಡುವ ಮುತ್ತಿನಷ್ಟು ಸ್ವಾದವಿದೆಯಾ
ನಾ ಮಾಡಿದ ಅಡಿಗೆ ಎಂದೂ............
ಹಬೆಯಾಡುವ ಈ ಊಟ ಬಿಸಿಯಾಗಿದೆ ಕೈಯಲ್ಲಿ
ಬಾಯಿಗಿಟ್ಟರೆ ನನ್ನ ಮಗುವಿಗೆ
ತೊಂದರೆಯಾಗುತ್ತದೆಯೇ ಎಂದು ಕೇಳುವಳು
ತನ್ನ ಮಾತೃ ಹೃದಯವ ಮತ್ತೆ ಮತ್ತೆ............
ತನ್ನುಸಿರೆ ಮಗುವಾದೊಡೆ ತಣ್ಣಗಾಗಿಸಿ
ತಿಂಡಿಯನ್ನು ಬಾಯಿಗಿಡುವಳು ಮುದ್ದು ಮಗುವಿಗೆ..................
ತಿಂದು ತನ್ನ ಮಡಿಲಲ್ಲಿ ಮಗುವಾಡುವ ಆಟವ
ನೋಡಿ ತಾನು ನಗುವಳು ಮನತುಂಬಿ ಮೈಮರೆತು
ಮಗುವ ನೋಡಿ..................
ತನ್ನ ಹೊಟ್ಟೆ ತುಂಬದಿದ್ದರು ಮಗುವಿನ
ಹೊಟ್ಟೆ ತುಂಬಿಸಿ ನೀರು ಕುಡಿದು ಬದುಕುವಳು
ಆ ಕ್ಷಣದ ಹಸಿವು ಮರೆತು ಮುಂದೆ ತನ್ನ ಮಗುವಿನ ಭವಿಷ್ಯ ನೆನೆದು ನೂರು ಕನಸೊತ್ತು.....
- ಚುಕ್ಕಿ
17 Jun 2017, 11:48 am
Download App from Playstore: