ಕುಟೀರ
ಬಯಲು ಸೀಮೆಯ ತವರಲ್ಲಿ
ಚೆದುರಿ ಉದುರಿ ಸವಿದ
ಕಪ್ಪು ಕಲ್ಲು ಬಂಡೆಗಳ ಒರಟು ಮೈಯಲ್ಲಿ
ಜಿನುಗುವ ಬೆವರು ಹನಿಗಳ ಕಮಟು
ಹಸಿರಿಲ್ಲದ ನಿಟ್ಟುಸಿರು ಚೆಲ್ಲಿದಮುಖ ದನಿಗಳು
ಇದೀಗ ಬಿಸಿಲೊಯುತ್ತಿದೆ
ಕಟೀರದ ಮುಖ ಬೀಜಗಳು
ಹುಡುಕುತ್ತಿದೆ ಗಂಗೆ ಮೂಲ ದಾರಿಗೆ
ಮಣ್ಣಿಗೂ ಮುತ್ತಜ್ಜರ
ನಡೆದು ಹೊದ ಹೆಜ್ಜೆಗುರುತು ಜಾಡು
ಅಜ್ಜಿಯ ಆಲದಮರ ಕಥೆ
ಹೊಂದಿಕೊಳ್ಳಬಹುದು
ಪೊರ್ವಿಕರ ಬೆಳದಿಂಗಳ ಕುಣಿತಕ್ಕೆ
ನಗೆ ಚೆಲ್ಲುವ ಪೂರ್ಣ ಚಂದ್ರ
ಉಳಿಸಿಕೊಂಡಿದ್ದಾನೆ ಪ್ರತಿ ರಾತ್ರಿ
ಲಾಲಿ ತಟ್ಟಿ ಹೇಳಿದ ಕಥೆಗಳ ಗಂಟು
ಹಾಗೆ ಇದೆ ಸಿಡಿಯದೆ
- ಹೇಮಚಂದ್ರ
17 Jun 2017, 07:10 pm
Download App from Playstore: