ಮುಗಿಯದು ಆಸೆ.....
ನನಗೆಂದು ಮುಗಿಯದು ಬರೆಯುವಾಸೆ
ಇಂದೇಕೊ ಖಾಲಿ ಎನಿಸುತ್ತಿದೆ ಭಾವನೆಗಳ ಮೂಸೆ
ಬಣಗುಡುತಿದೆ ಮೊಗೆದಾಗಲೆಲ್ಲ ಸಿಗುತ್ತಿದ್ದ ಪದಗಳ ಬೊಗಸೆ
ಎಲ್ಲಿ ಅಡಗಿರುವೆ ಪದಗಳ ಪೋಣಿಸಿ ಭಾವಗಳ ಸೇರಿಸುವ ಸೊಗಸೆ....
ಒಂಟಿಯಾದಗಲು ಪದಗಳೆ ಜೊತೆಯು
ಕೂಡಿದಾಗಲು ಇದರಲೆ ಹರಿಯುವುದು ಭಾವಗಳ ನದಿಯು
ಇದರಲೆ ಇರುವುದು ಹತಾಶೆಯ ಮುಳುಗಿಸುವ ಅಲೆಯು
ಇದರಲೆ ಹುಟ್ಟುವುದು ನಗುವಿನ ಸೆಲೆಯು
ಭಾವಗಳು ಪದಗಳ ಸೇರಿ ಸೃಷ್ಟಿಸುವ ಈ ಪಯಣಕೆ ಆಗಲೆ ಕೊನೆಯಿರದ ಪಯಣಿಯು.....
ಕನಸಿನ ಉಸ್ತುವಾರಿಗೊಂದು ಕವನ
ಮನಸಿನ ಶಾಯರಿಗೊಂದು ಕವಿತೆ
ನೋವಿನ ಅಮಲಿನ ಭಾವಕ್ಕೊಂದು
ಖುಷಿಯ ನಗುವ ಹರಡಲಿಕ್ಕೆ ಮತ್ತೊಂದು
ಕಂಡ ಕಾಣಲಾಗದದ್ದಕ್ಕೆಲ್ಲ ಮಗದೊಂದು
ಆದರೂ ಬರೆಯಲು ಏನು ತೋಚುತ್ತಿಲ್ಲ ನನಗಿಂದು.....
- ಶ್ರೀಕಾವ್ಯ
22 Jun 2017, 09:33 pm
Download App from Playstore: