ಕುತೂಹಲ
ಬೆಳದಿಂಗಳ ಇರುಳಲ್ಲಿ
ಅಜ್ಜಿಯ ಮಡಿಲಲ್ಲಿ
ಮಲಗಿರಲು ನಾನಂದು....
ಮಿನುಗುವ ತಾರೆಗಳ ಜೊತೆಯಲ್ಲಿ
ನಲಿಯುತಿದ್ದನು ಚಂದಿರನು ಅಲ್ಲಿ
ನಡುವೆ ಕಂಡೆನು ವಿಮಾನವೊಂದು....
ಚಲಿಸುತಿತ್ತು ನಿಶ್ಯಬ್ದವಾಗಿ
ಸ್ವಚ್ಛಂದ ಆಗಸವ ಮಲಿನವಾಗಿಸದೆ
ತಾರೆಯೊಂದು ಇಲ್ಲಿಂದ- ಅಲ್ಲಿಗೆ
ಅತ್ಯಲ್ಪ ಚಲನದಂತಾಗಿ
ಅಕ್ಷಿಪಟಲವ ಅರಡಿಸಿದೆ
ಕುತೂಹಲ ತಾಳಲಾರದೆ.....
ಚಿತ್ತಾರವ ಬಿಡಿಸುತಿತ್ತು ಮನವು
ಸದ್ದಿಲ್ಲದೆ ಚುಕ್ಕಿಗಳ ಬಯಲಲ್ಲಿ
ಲೆಕ್ಕವಿಡುತಿತ್ತು ಕಂಗಳು
ದಿಟ್ಟಿಸಿ ನೋಡುತ್ತ ಬಾನಲ್ಲಿ
ಅಚ್ಚರಿಯು ಮೂಡಿತ್ತು
ಮನದ ಗೂಡಲ್ಲಿ....
ತಾರೆಯೊಂದು ಚಲಿಸಿತ್ತು
ಅಜ್ಜಿಯ ಕೇಳಿತು ಮನವು
ಚುಕ್ಕಿ ಹೊರಟಿಹುದು ನೋಡಲ್ಲಿ....
ಒಡನೆಯೆ ನುಡಿಯಿತು ಅಮ್ಮಮ್ಮ!
ಅದು ಅಲ್ಲ ಚುಕ್ಕಿ.......
ಅಲ್ಯುಮಿನಿಯಮ್ ಹಕ್ಕಿ.....
ಇದ ನೀ ತಿಳಿಯಮ್ಮ!
ಶಾರಧ
- ಶಕುಂತಲಾ
22 Jun 2017, 10:23 pm
Download App from Playstore: