ಚಂಚಲ ಚಿತ್ತ....
ಚಂಚಲ ಚಿತ್ತ
ಹರಿದಾಡುವುದು ಸುತ್ತ ಮುತ್ತ
ಸಿಕ್ಕ ಸಿಕ್ಕದ್ದೆಲ್ಲ ಮನಸಿನಿಂದ ಹೆಕ್ಕುತ್ತ
ಕಂಡದ್ದೆಲ್ಲ ಮನಸೊಳಗೆ ತುಂಬುತ್ತ....
ಕೊನೆಯಿರದ ಪ್ರಶ್ನೆಗಳ ಬಂಡಿಯ ಹತ್ತಿ
ಉತ್ತರ ಹುಡುಕುತ ಮನಸಲೆ ಊರೂರ ಸುತ್ತಿ
ತಾಳ್ಮೆಯ ಕಡಲು, ಮನಸಿನ ಒಡಲೆ ಬತ್ತಿ
ಯಾಕಿಂತ ಅಲೆದಾಟ ಕಾಣದಕ್ಕೆಂದು ಮರುಗಿ ಅತ್ತು
ಮತ್ತೆ ಹೊರಟಲ್ಲೆ ಸೇರುವುದು ಏನು ತಿಳಿಯದೆ ಅರ್ಧ ಸತ್ತು....
ಇದರದು ಹಿಡಿತಕೆ ಸಿಗದ ನಾಗಲೋಟ
ಹಿಡಿಯದಿದ್ದರೆ ಹೆಕ್ಕಿ ತುಂಬುತ್ತ ಎದೆಯೊಳಗೆ ತರುವುದು ತೊಳಲಾಟ
ಎಂದಿಗೆ ನಿಲ್ಲುವುದು ಇದು ತರುವ ಬಡಿದಾಟ
ಸಾಕಾಗದೆ ಇದಕೆ ತನ್ನೊಳಕೆ ತಾನು ಸೃಷ್ಟಿಸುವ ಗೊಣಗಾಟ
ಗೆಲುವು ಸೋಲುಗಳಿಲ್ಲದ ಸೆಣಸಾಣ ಇದರ ಜೊತೆಗಿನ ಕಾದಾಟ
ಜೀವ ಇರುವವರೆಗೂ ಕೊನೆಯಾಗದು ಇದರೊಡೆಗಿನ ಒಡನಾಟ....
- ಶ್ರೀಕಾವ್ಯ
23 Jun 2017, 05:16 pm
Download App from Playstore: