ಕನ್ಯಾವೇಷಣೆ
ನೋಡಲು ಹೋದೆನು ನವ ವಧುವನ್ನು
ಘಂ ಎಂದು ಮಲ್ಲಿಗೆ ಹೂವಿನ ಪರಿಮಳ
ಇಣುಕಿ ನೋಡಿದೆನು ಸುಂದರ ಹುಡುಗಿಯ
ಬಾಗಿಲ ಮರೆಯಲ್ಲಿ ಪರದೆ ಸರಿಯುವಾಗ
ಅಂದದ ಬೆಡಗಿ ನಾಚಿಕೆ ತುಂಬಿದ ವದನ
ಆದರೂ ಕಿರು ನೋಟದಿಂದ ನೋಡಿದಳು
ಇಹ ಲೋಕದ ಚೆಲುವಿನ ಚಿತ್ತಾರ ಕಣ್ಣೆದುರು
ಇವಳೊಂದಿಗಿದ್ದರೆ ಜೀವನ ಆಹಾ ಎಂತಹ ಸುಖ
ಕಲ್ಪನಾ ಲಹರಿ ಮನದಾಳದಲ್ಲಿ ಹರಿಯುತಿತ್ತು
ಕೊಡುತೆಗೆಯ ವಿಚಾರ ವಿನಿಮಯ ನಡೆಯುತಿತ್ತು
ಮಾತುಕತೆ ನೆಗೆದು ಬಿತ್ತು ಸಂಬಂಧ ಕುಸಿಯಿತು
ಮನದಲ್ಲೇ ಶಾಪವ ಹಾಕುತ್ತಾ ಹೆಜ್ಜೆ ಸಾಗುತ್ತಿತ್ತು ಮುಂದಿನ ಆನ್ವೇಷಣೆಯ ನೆನೆಯುತ್ತಾ
- sathyabapuji
25 Jun 2017, 03:54 pm
Download App from Playstore: