ಕವಿಯ ಕೊನೆ
ಕವಿಯು ಹೃದಯದೊಳಿಲ್ಲ
ಕವನಗಳ ಸುಳಿವಿಲ್ಲ
ಆಡಿಕೊಂಡಿದ್ದ ಪದಗಳೆಲ್ಲ
ಇಲ್ಲೇ ಎಲ್ಲೋ ಕಳೆದೋದವಲ್ಲ.
ಕಂಬನಿ ಉಜ್ಜಿದ ಕಣ್ಣು
ಕಳಕೊಂಡಿದೆ ಹೊಳಪನ್ನು
ರೆಪ್ಪೆ ಮುಚ್ಚುವುದ ಮರೆತು
ಹುಡುಕುತಲಿದೆ ಏನನ್ನೋ..
ಬರಿದೇ ಬೀಳುತಿಹವು
ಬಣ್ಣ ಮಾಸಿದ ಕನಸುಗಳು
ಬಿಳಿ ಗೋಡೆಯ ಮೇಲೆ
ಹರುಕು ಮುರುಕು ಚಿತ್ರಗಳು.
ಕವಿ ಹೃದಯ ಸತ್ತಿಹುದೋ
ಹೊಂಗನಸು ಮರೆತಿಹುದೋ
ಬೇಕು ಬೇಡಗಳ ಗೊಡವೆಗಳಿಲ್ಲದೆ
ಕಸದ ರಾಶಿಯಲಿ ಬಿದ್ದಿಹುದೋ.
- ಶ್ರೀಗೋ.
26 Jun 2017, 07:47 pm
Download App from Playstore: