ಗಡಿಯಲ್ಲಿ ಸೈನಿಕ
ಗಡಿಯಲ್ಲಿ ನಿಂತಿರುವೆ ವೀರ ಸೈನಿಕನಾಗಿ
ಅಂಜದೇ ಎದೆಗುಂದದೇ ನಾ
ಈ ನಾಡ ತಾಯಿಯ ಹೆಮ್ಮೆಯ ಮಗನಾಗಿ!!
ಕೊರೆವ ಚಳಿಯಲ್ಲಿಯೂ
ಉರಿವ ಬಿಸಿಲಲ್ಲಿಯೂ
ರೋಮ ರೋಮವು ಕಾದಿಹುದು
ಈ ನೆಲದ ಹಿತಕಾಗಿ!!
ಬಿಸಿ ನೆತ್ತರು ಬೆವರಾಗಿ
ಬಸಿದು ನುಡಿದಿಹುದು
ಮಡಿದರೂ ಮರಳುವೆನು
ಗಡಿ ಕಾಯುವ ಕಣ್ಣಾಗಿ!!
ಹೆಗಲೇರಿ ಕುಳಿತಿದ್ದ ಬಂದೂಕ ನುಡಿದಿಹುದು
ಕದನದಲಿ ನಾ ನುಗ್ಗಿ ಸದೆಬಡೆವೆ ಶತ್ರುಗಳ
ಮದ್ದು ತುಂಬಿಸಿ ತನ್ನ ಹುರಿದುಂಬಿಸೆಂದು!!
- ಪಿ.ಜಿ.ಜ್ಯೋತಿ
01 Jul 2017, 10:17 am
Download App from Playstore: