ಕಳೆದ ಮಾಣಿಕ್ಯ
ಕಳೆದು ಹೋಯಿತು
ನಾ ನಿನ್ನ ಕಂಡ ಆ ಸಮಯ!!
ಮರಳದಾಯಿತು ಅಂದು
ನಾ ಕಳೆದುಕೊಂಡ ಹೃದಯ!!
ಆದರೂ ಸಿರಿತನ ತುಂಬಿ
ಹಿಗ್ಗುತಿತ್ತು ನನ್ನ ಮನ!!
ನೀ ಬಡವನಿಗೆ ದೊರೆತ
ಅಪರೂಪದ ಮಾಣಿಕ್ಯವೆಂದು!!
ಮೈಯೆಲ್ಲ ಕಣ್ಣಾಗಿಸಿ
ಜೋಪಾನವಾಗಿ ಕಾದಿದ್ದೆ ನಾ!!
ಆದರೂ ತಿಳಿಸದೇ ಎಲ್ಲೋ
ನುಸುಳಿ ಹೋದೆ ನೀನು!!
ನಿನ್ನ ಹುಡುಕಿ ಹುಚ್ಚನಂತೆ
ನಾ ಅಲೆಯುತ್ತಿರುವೆ!!
ಮತ್ತೊಮ್ಮೆ ಹೊಳೆದು ನೀ
ಕಾಣಬಾರದೇ ನನ್ನ ಕಣ್ಣಿಗೆ!!
- ಪಿ.ಜಿ.ಜ್ಯೋತಿ
03 Jul 2017, 08:41 am
Download App from Playstore: