ಬರೆಯಬೇಕು ಕಾಗದ.....
ಮೌನದಲಿ ಕೂಡಿಡಲಾಗದ
ಮಾತಿನಲಿ ಹೇಳಲಾಗದ
ಸ್ವರಗಳು ತಟ್ಟುತ್ತಿವೆ ಮನಸಿನ ಕದ
ಹೇಳಲೆಂದೆ ಬರೆಯಬೇಕಿದೆ ಕಾಗದ
ಬರೆಯಲೆಂದು ಕೂಡಿಸಿರುವೆ ಲೆಕ್ಕವಿಲ್ಲದಷ್ಟು ಪದ
ನೂರಾರು ಕಾಗದ ಗೀಚಿದರು
ಹೇಳೆಲೆಂದು ಕೂಡಿಟ್ಟ ಪದಗಳು ಕಳೆದು ಹೋದರು
ಎಂದೂ ಈ ಕಾಗದಕೆ ಕೊನೆಯಿಲ್ಲವೆಂದು ತಿಳಿದರು
ಮತ್ತೆ ಮತ್ತೆ ಬರೆಯುವೆ ತುಂಬಿ ನನ್ನೆಲ್ಲ ಭಾವಗಳ ಉಸಿರು
ಹೇಳಬೇಕು ತುಂಬಾ ನಿನಗೆ
ಮಾತಾಗದ ಮೌನವು ಮನಸಿನೊಳಗೆ
ಕೊನೆಯಿಲ್ಲ ಹೇಳಬೇಕೆನಿಸುವ ಮನಸಿನ ಮಾತಿಗೆ
ತೋಚದಾಗಿರುವೆ ಹೇಗೆ ಹೇಳಲಿ ಕನಸುಗಳ ನಿನಗೆ
ನೀ ಜೊತೆಯಾಗಿರುವ ಕ್ಷಣವೆಲ್ಲ ನನಗೆ ವಿಸ್ಮಯ
ನನ್ನ ನಗುವೆ ನೀನಾಗಿರಲು ನಿನ್ನಲಿ ನಾನು ತನ್ಮಯ
ಕೈ ಹಿಡಿದು ನಡೆಸು ನನ್ನ ನಿನ್ನ ಜೊತೆಯಲಿ,
ನಿನ್ನ ಹೊರತು ಬೇರೇನು ಬೇಡ ಜಗದಲಿ
ನಿನ್ನ ಉಸಿರೆ ನನ್ನ ಜೀವಕೆ ಹೆಸರಾಗಲಿ
- ಶ್ರೀಕಾವ್ಯ
03 Jul 2017, 09:42 am
Download App from Playstore: