ಕರಿಮೋಡ ಮುಸುಕಿದೆ.......
ಕರಿಮೋಡ ಮುಸುಕಿದೆ ಮನಸಲಿ
ಸುರಿಯಬಹುದೆ ಜೋರು ಹನಿಗಳು ಕಣ್ಣಲಿ
ಕಾಣದಾಗಿದೆ ಏನು ಕರಿಮೋಡದಾಚೆಗೆ
ಮಂಜು ಮುಸುಕಿದೆ ಮನಸಿನ ಕಣ್ಣಿಗೆ
ನನ್ನೊಳಗೆ ಆವರಿಸಿದೆ ಎಂಥದೊ ಕತ್ತಲು
ಹುಡುಕುತಿರುವೆ ಬೆಳಕ ಹರಸಿ ಸುತ್ತಲು
ಕಳೆದು ಕೊಂಡಿರುವೆ ನನ್ನೊಳಗಿನ ನನ್ನದೆ ನೆರಳು
ಏನನು ಅರಿಯಲಾಗದೆ ಆವರಿಸಿದೆ ಮರುಳು
ಕರಗದೆ ಮೋಡ, ಹರಿಯದೆ ಕೂಡಿಟ್ಟ ನೀರ ಹನಿಗಳು
ಚಿಗುರಿ ಬೆಳೆಯವು ಹೂತಿಟ್ಟ ಕನಸಿನ ಬೀಜಗಳು
ಕನಸು ಸಂತಸವಿರದ ಬದುಕಲಿ ಉಳಿವುದೊಂದೆ ಪ್ರಶ್ನೆಗಳು
ಕತ್ತಲ ಮನಕೆ ಸಿಗುವ ಉತ್ತರ ಜೀವ ಜೀವನಕೆ ಉರುಳು
ಹಗುರಾಗಬೇಕು ಕಣ್ಣ ಹನಿಗಳ ಸುರಿಸಿ
ಮನಸಲಿನ ಕರಿಮೋಡವ ಕರಗಿಸಿ
ಕರಗಿ ಸುರಿದು ಕರಿಮೋಡ ಸರಿದಾಗ ಮನಸು ಹಗುರವೆನಿಸಿ
ನೋಡಿ ನಕ್ಕು ಅಪ್ಪುವುದು ಬದುಕ, ಹೊರ ಜಗವ ಗಮನಿಸಿ
- ಶ್ರೀಕಾವ್ಯ
05 Jul 2017, 10:29 am
Download App from Playstore: