ಹೃದಯ ದೀಪ
ನನ್ನ ಹೃದಯದ ಒಳಗೆ
ಉರಿವ ದೀಪವೇ ನಿನ್ನ
ನೆನಪ ಬೆಳಕಿನಲ್ಲಿಯೇ
ಕಳೆಯುವೆ ನಾ ನನ್ನ ಬದುಕ!!
ಗಾಳಿಯಲಿ ತೇಲುತಲಿ
ಮೋಡದ ಹಿಂದೆ ಅಡಗಿ
ನಗುತಲಿ ಇರುವೆಯಾ
ನೀನು ಬಾನ ಸೇರಿ!!
ಚಂದಿರನ ಬೆಳಕಿನಲಿ
ತಾರೆಗಳ ಬಳಗದೊಡೆ
ಬೆರೆತು ನಲಿವಾಗ ನೀನು
ಮರೆತೆಯಾ ಈ ಬಾಳ ದಾರಿ!!
ಬಾಳ ಅಂಕಣದಿ ಮರೆಯಾಗಿ
ಬಾನ ಅಂಗಳದಿ ಸೆರೆಯಾಗಿ
ಮರಳಿ ಬರದಾದೆಯ
ನೀ ನನ್ನ ಬಳಿಗೆ!!
ನೀನಿರದ ಈ ಬದುಕಿನಲಿ
ಒಂದೇ ಹಂಬಲ ನನಗೆ
ಮತ್ತೆ ಉರಿಯಲಿ
ಈ ಹೃದಯ ದೀಪ!!
- ಪಿ.ಜಿ.ಜ್ಯೋತಿ
08 Jul 2017, 09:14 pm
Download App from Playstore: