ಪ್ರೀತಿ
ನಗುಮುಖದ ಮೊಗ್ಗರಳಿ ನಕ್ಕ ಹಾಗೆ
ಪ್ರೀತಿ ಎಂಬ ತಾಜಾ ನಗೆ
ಕ್ಷಣಗಳುರುಳಿದಂತೆಲ್ಲಾ ನೆನಪುಗಳು ಕಾಡುವ ಬಗೆ
ಮನದಾಳದಲ್ಲಿ ಏಣಿ ಹಾಕುವ ಲಗ್ಗೆ
ಈ ಒಲುಮೆ ಎಂಬ ಮಹಾ ಸೋಗೆ
ಕತ್ತಲ ಹೊರಗೂ ಬೆಳಕ ಹರಿಸಿ
ಕತ್ತಲಲ್ಲೂ ಕಣ್ಣಾದ ಸಖ
ಪ್ರೀತಿಯಲ್ಲಿ ತೇಲಾಡಿಸಿ
ನನ್ನೊಳಗೆ ಅವನ ಬಿಂಬ
ಕಾಣಿಸುವ ಕನ್ನಡಿಯ ಮುಖ
ಒಲುಮೆ ಆಟಕ್ಕೆ ನಿಂತ ಸಾಕ್ಷಿ
ಆದಿ ಅಂತ್ಯವಿಲ್ಲದ ಈ ಪ್ರೀತಿಯೆಂಬ ಪಕ್ಷಿ
ಮುಗಿಲಗಲ ನೆಲದಗಲ ಜಗದಗಲದ
ಮಹಾಒಲವು
ಚಿತ್ತ ಚಾಂಚಲ್ಯವಿಲ್ಲದ ಶುಭ್ರ ಪ್ರಕಾಶದ
ಮಿನುಗು
ಪ್ರೀತಿಯನ್ನೆ ಧ್ಯಾನವಾಗಿಸಿ
ಬದುಕುವ ತಂತ್ರ
ತಾನುರಿದು ಬೆಳಗಿಯೂ ಕರಗದೆ
ಹೊಳೆಯುವ ಅಮೃತ ಮಂತ್ರ
- Jayanthi
09 Jul 2017, 08:05 am
Download App from Playstore: