ಒಬ್ಬಂಟಿ ಪಯಣ
ಬಾಳ ಈ ಪಯಣದಲ್ಲಿ
ನೀ ನನ್ನ ಒಬ್ಬಂಟಿ ಮಾಡಿ
ಹೊರಟು ಹೋದ ಮೇಲೆ
ನಾನು ಇಲ್ಲಿ
ಒಬ್ಬಂಟಿ ಪಯಣಿಗನಾಗಿಯೇ
ಸಾಗುತ್ತಲಿ ಇರುವೆ!!
ನೀ ಹೊರಟ ದಾರಿಯು
ಕಲ್ಲು ಮುಳ್ಳುಗಳಿಂದ ಕೂಡಿದ್ದರೆ
ಉರಿಬಿಸಿಲಿನಿಂದ ಸುಡುತ್ತಿದ್ದರೆ
ನಿನಗೆ ಹಿತವೆನಿಸದೇ
ಒಂಟಿ ಪಯಣ ಸಾಕೆನಿಸಿದರೆ
ದಯಮಾಡಿ ಬಂದು
ನನ್ನ ಜೊತೆಯಾಗು!!
ಬಾಳ ಈ ಪಯಣದಲ್ಲಿ
ನೀ ನಡೆವ ದಾರಿಗೆ ಹೂವಿನಂತೆಯೇ
ಉರಿಬಿಸಿಲನು ತಡೆವ ನೆರಳಿನಂತೆಯೇ
ನಿನಗೆ ಹಿತವೆನಿಸುವಂತೆ
ಒಂಟಿ ಪಯಣಕ್ಕೆ ನಾ ನಿನ್ನ
ಜೊತೆಯಾಗಿ ಇರುವೆ!!
- ಪಿ.ಜಿ.ಜ್ಯೋತಿ
14 Jul 2017, 12:49 pm
Download App from Playstore: