ಮನಸಿನ ಗುಡಿಸಲು
ಈ ಮನಸಿನ ಗುಡಿಸಿಲಿನೊಳಗೆ
ನೀ ಚಲ್ಲಿದೆ ಹುಣ್ಣಿಮೆ ಬೆಳಕು!!
ನಾ ನಗುತಲೇ ಕಳೆಯಲು ದಿನವ
ಮಾಸಿತೆ ಚಂದ್ರನ ಹೊಳಪು!!
ಆ ಕಳೆದು ಹೋದ ಬೆಳಕ
ನಾ ತರಲಿ ಹೇಗೆ ಹುಡುಕಿ!!
ನಾ ಕಾಯಲೇ ಬೇಕು
ಮರು ಹುಣ್ಣಿಮೆ ಬರುವ ವರೆಗೆ!!
ಈ ಹೃದಯದ ಹೂ ಬನದಲ್ಲಿ
ಅರಳಿದ ಪ್ರೀತಿಯ ಹೂವು!!
ತಾ ಘಮಿಸುವ ಮೊದಲೇ ಯಾಕೋ
ಬಾಡಿತು ಅದರ ಚಲುವು!!
ಆ ಬಾಡಿ ಹೋದ ಹೂವನು
ನಾ ಹೇಗೆ ಅರಳಿಸಲಿ ಈಗ!!
ನಾ ಕಾಯಲೇ ಬೇಕು
ಹೊಸ .ಹೂವು ಅರಳುವ ವರೆಗೂ!!
- ಪಿ.ಜಿ.ಜ್ಯೋತಿ
14 Jul 2017, 04:20 pm
Download App from Playstore: