ನಾನು ಮತ್ತು ಅವಳು
ನನ್ನೊಲವಿನ ಹುವಲ್ಲಿ ಬೇಡಿದ್ದು
ಹನಿಗವನದಷ್ಟೇ ಪ್ರೀತಿ
ಹಾಡಿ ಬಂದಳವಳು
ಇಡಿಯ ಕವನವಾಗಿ.
ಕವನಕ್ಕೆ ಮರುಳಾಗಿ
ಪ್ರೀತಿ ಮಾಗಿ ಮಿನಿ ಕತೆಯಾದೆ.
ಕಿರು ಕತೆಯ ಸಮ್ಮಿಲನ
ನೀಳ್ಗತೆಯ ಸಂವಹನ
ಕಾದಿದ್ದವಗೆ ಕಾದಂಬರಿಯಾದಳು..
ಕಾದಂಬರಿಯೊಳಗಿನ ನೂರು
ಪಾತ್ರಗಳ ನಡುವೆ ಒಬ್ಬಂಟಿಯಾಗಿ
ನಡೆದೂ ಹೋದಳು..
ಸಾಹಿತಿಯ ಸತ್ವಹೀನ ಘಟನೆಗಳ ನಡುವೆ
ಕಳೆದೂ ಹೋದಳು..
ಅರಿತಿದ್ದೇನಿಂದು ಅವಳಂತೆಯೇ
ಇಲ್ಲಿ ನಾನೂ ಒಂದು ಪಾತ್ರ!
ಆದರೂ ನಾನು ಆಶಾವಾದಿ..
ಕುರುಡು ಸಾಹಿತಿಯ
ಲೇಖನಿಯ ಶಾಯಿ ಇನ್ನೂ ಮುಗಿದಿಲ್ಲ..
ಕೊನೆಯ ಪುಟ ದೂರವಿದೆ
ಸೇರಿದರೂ ಸೇರಬಹುದು
ಮತ್ತೆ ನಾವು !!
- ಶ್ರೀಗೋ.
14 Jul 2017, 07:40 pm
Download App from Playstore: