ನಗಬೇಡ ನನ ಮುಂದೆ
ದಯವಿಟ್ಟು ನಗಬೇಡ ನೀನೆಂದಿಗೂ ನನ ಮುಂದೆ
ಹೃದಯವ ಹಿಡಿದಿಡಲಾರೆ ನಕ್ಕರೆ ನೀ ನನ ಮುಂದೆ
ನಿನ್ನ ನಗುವು ಬರಿ ನಗುವಾಗಿ ಉಳಿಯದೆ
ನನ್ನ ಕನಸಿಗೂ ಎಟುಕದಷ್ಟು ಸೊಗಸಾಗಿ ಬೆಳೆದಿದೆ
ಅದು,
ನನ್ನ ಹೃದಯ ಮಿಡಿತವ ಹೆಚ್ಚಾಗಿಸಿದೆ
ನನ್ನ ಮನಸ್ಸನ್ನು ಹುಚ್ಚಾಗಿಸಿದೆ
ನನ್ನ ತನುವನು ಬೆಚ್ಚಗಾಗಿಸಿದೆ
ನನ್ನ ಬಾಳಿಗೆ ನೆನಪುಗಳ ಅಚ್ಚೊತ್ತಿದೆ
ನನ್ನ ಜೀವಕೆ ಪ್ರೀತಿಯ ಕಿಚ್ಚು ಹಚ್ಚಿದೆ
ನೀ ನಕ್ಕಾಗ ನನ್ನ ಹೃದಯಕೆ
ಸಾವಿರಾರು ಸಿಡಿಲುಗಳು ಬಡಿದಿದೆ
ಸಿಡಿಲುಗಳು ಬಡಿದರೂ ಕಡಲುಗಳೇ ಹುಕ್ಕಿದರೂ
ನನ್ನ ಹೃದಯ ನಿನ್ನ ನಗುವ ಬೇಡುತಿದೆ
- ಅಕವಿ
18 Jul 2017, 09:47 pm
Download App from Playstore: