ನಲ್ಲ ಬರುವ
ಮುಂಜಾನೆ ಮಂಜಿನ ಹನಿಗಳೇ
ತಂಗಾಳಿ ತೂಗಲು ಕೆನೆಗಳೇ!!
ನನ್ನ ನಲ್ಲ ಬರುವನು ಎಂಬ
ಸಂತಸ ನನಗೆ ಈ ದಿನ!!
ಮನದುಂಬಿ ಹಾಡುವೆ ಈಗಲೇ
ಮೈದುಂಬಿ ನಲಿಯಿರಿ ಗಿಣಿಗಳೇ!!..
ಮಧು ತಂದು ಸುರಿಯಿರಿ
ಅದರದಿ ಜೇನು ಹುಳುಗಳೇ!!
ಬಾಡದಿರಿ ಅರಳಿರೋ ಹೂಗಳೇ
ಉದುರದಿರಿ ಮರದಿ ಎಲೆಗಳೇ!!
ಅವನಿಲ್ಲಿ ಬರುವನು ಈಗಲೇ
ಅದಕಾಗೇ ಸಂತಸ ನನಗೆ ಈ ದಿನ!!
ಇರುಳಲ್ಲಿ ಕನಸಿನ ಕಚಗುಳಿ
ಹಗಲಲ್ಲಿ ನೆನಪಿನ ಚಿಲಿಪಿಲಿ!!
ಮನಸಲ್ಲಿ ಅವನದೇ ಗಲಿಬಿಲಿ
ಅವನನ್ನೇ ಕಾದಿದೆ ಈ ತನು ಮನ!!
ಎದೆಯಲ್ಲಿ ಬಣ್ಣದ ಓಕುಳಿ
ಚೆಲ್ಲಡಿದೆ ನಲ್ಲನ ಹಾದಿಗೆ!!
ಪ್ರೀತಿ ಹೊತ್ತು ಬರುವ ನನ್ನ ನಲ್ಲ
ಎಂಬ ಸಂತಸ ನನಗೆ ಈ ದಿನ!!
- ಪಿ.ಜಿ.ಜ್ಯೋತಿ
19 Jul 2017, 04:59 pm
Download App from Playstore: