ಹೆರಳು
ಅಂದದ-ಚಂದದ
ಹೆಣ್ಣಿನ ಅಂಧ
ದುಪ್ಪಟ್ಟು ನಿನ್ನಿಂದ!
ನಾರಿಯ ಬೆನ್ನೇರಿ
ಸಾಗಲು ನಿನ್ನ ಅಂಬಾರಿ
ಸೌಂದರ್ಯವ ಸಾರಿ!
ಬಳುಕುವ ಬಳ್ಳಿಯ
ಟೊಂಕವ ಬಳಸುವ
ಹೆರಳೆ ನೀನೆಷ್ಟು ಅದೃಷ್ಟವಂತೆ!
ಶಿರಕೆ - ಶಿಖರವಾಗಿ
ಸೌಂದರ್ಯಕ್ಕೆ ಹೆಸರಾಗಿ
ಸಲಹುವರು ನಿನ್ನ ಪರಿಪರಿಯಾಗಿ!
ತಲೆಯಿಂದ ಜಾರಿ
ಉದರವ ಸೇರಿ
ಜೀವಕೆ ಬಲು ಅಪಾಯಕಾರಿ!
ಖಡ್ಗದಿ ಕೊಲೆಯಾಗೆ
ಕುದಿವ ನೀರಿಗು ಬಲಿಯಾಗೆ
ನೀನೆಷ್ಟೆ ಬಲಿಷ್ಟೆಯಾಗೆ
ಸೀದೋಗುವೆ ಬೆಂಕಿಗೆ!
ಜಾಣೆಯರ ಜಡೆಯಾಗಿ
ವೀರರ ಮುಡಿಯಾಗಿ
ಬೆಳೆವೆ ನೀ ನವಿರಾಗಿ!
ಶಾರಧ
- ಶಕುಂತಲಾ
23 Jul 2017, 06:49 am
Download App from Playstore: