ಅದು ನನ್ನ ಹೃದಯ
ಅದು ನದಿಯ ತೀರ
ಅಲ್ಲಿ ಬರೆದೆ ನಿನ್ನ ಹೆಸರ
ಅಲೆಗಳೆದ್ದರೂ
ತೀರಕೆ ಅಪ್ಪಳಿಸಿದರೂ
ಅಳಸಿ ಹೋಗದು ನಿನ್ನ ಹೆಸರು
ಏಕೆಂದು ಹೇಳುವೆಯಾ?
ಏಕೆಂದರೆ ಆ ನದಿಯ ತೀರ, ನನ್ನ ಹೃದಯ!
ಅದು ಆಕಾಶದ ಅಂಗಳ
ಅಲ್ಲಿ ಕಂಡೆ ನಿನ್ನ ಕಂಗಳ
ಸಿಡಿಲೇ ಬಡಿಯಲು
ಗುಡುಗೇ ಬರಲು
ಕಾಣೆಯಾಗವು ನಿನ್ನ ಕಂಗಳು
ಏಕೆಂದು ಹೇಳುವೆಯಾ?
ಏಕೆಂದರೆ ಆ ಆಕಾಶದ ಅಂಗಳ, ನನ್ನ ಹೃದಯ!
ಅದು ಬೆಳದಿಂಗಳ ತಾವರೆ
ಅಲ್ಲಿ ಕಂಡೆ ಮುದ್ದಾದ ನಿನ್ನ ಚೆಹರೆ
ಬಿರುಗಾಳಿ ಬಂದರೆ
ಮುಂಗಾರು ಸುರಿದರೆ
ಕಳೆಗುಂದದು ನಿನ್ನ ಚೆಹರೆ
ಏಕೆಂದು ಹೇಳುವೆಯಾ?
ಏಕೆಂದರೆ ಆ ಬೆಳದಿಂಗಳ ತಾವರೆ, ನನ್ನ ಹೃದಯ!
ಅದು ಜೇನುಗಳೇ ತುಂಬಿರುವ ಕುಟೀರ
ಅಲ್ಲಿ ಕಂಡೆ ಮಧು ತುಂಬಿದ ನಿನ್ನಧರ
ಬೆರೆತರೂ ಬೇವು
ಸೋಕಿದರೂ ವಿಷವು
ಕಹಿಯಾಗದು ನಿನ್ನ ಅಮೃತದ ಅಧರವು
ಏಕೆಂದು ಹೇಳುವೆಯಾ?
ಏಕೆಂದರೆ ಆ ಜೇನುಗಳ ಕುಟೀರ, ನನ್ನ ಹೃದಯ!
- ಅಕವಿ
24 Jul 2017, 05:25 pm
Download App from Playstore: