ಹಾಯಿದೋಣಿ
ಹರಿಯುತ್ತಿರುವ ನದಿಯೊಂದು
ಎಂದೂ ನಿಲ್ಲದೆ ಓಡುತಿಹುದು
ಅದರ ಓಟದೊಳಗೆನ್ನ
ಹಾಯಿದೋಣಿ ಸಿಲುಕಿಹುದು||
ಎಲ್ಲೋ ತಿರುಗಿ, ಹೇಗೋ ಹೊರಳಿ
ಏಗುತ ತಾ ಮತ್ತೆ ಕೆರಳಿ
ಎತ್ತಿ ಕುಣಿಸಿ, ಮತ್ತೆ ರಮಿಸಿ
ಮುಂದೆ ಕೊಂಡೊಯ್ದದೂ||
ಅದೋ ನೋಡು ಮಿಂಚುಳ್ಳಿ
ಮೀನು ಹಿಡಿಯುವ ಮಹಾ ಕಳ್ಳಿ
ರೂಪವೇನೋ ಚೆಂದುಳ್ಳಿ
ಮನಸು ಮಾತ್ರ ಊಸರವಳ್ಳಿ||
ಬಂದೇ ಹೋಯ್ತು ಜೋಗದಾ ಗುಂಡಿ
ಸಿಗಲೇ ಇಲ್ಲ ಪ್ರೇಮದಾ ಕಿಂಡಿ
ಪ್ರೀತಿ ದೀಪ ಹೋಯ್ತು ನಂದಿ
ಪ್ರಪಾತದೊಳಗೆ ಬದುಕ ಬಂಡಿ||
- ಶ್ರೀಗೋ.
24 Jul 2017, 10:26 pm
Download App from Playstore: