''ತೀರಿಸಲಾಗದ ಋಣ''
ಚಿಕ್ಕಂದಿನಲ್ಲಿ ನಾ ದ್ವೇಷಿಸುತ್ತಿದ್ದ ಅಪ್ಪ,
ಕೋಪದಿ ಏಟು ಕೊಟ್ಟ ಅಪ್ಪ,
ಪೇಟೆಯಿಂದ ನನಗಾಗಿ ತಿನಿಸು ತರುತ್ತಿದ್ದ ಅಪ್ಪ,ಹಣೆಗೆ ಮುತ್ತಿಟ್ಟ ಅಪ್ಪ,
ದಿನಾ ಐದು ಪೈಸೆ ಕೈಗಿಡುತ್ತಿದ್ದ ಅಪ್ಪ.
ಓದು-ಆಟದಲ್ಲಿ ಬೆನ್ನು ತಟ್ಟಿದ ಅಪ್ಪ,
ಪೆನ್ನಿನ ಕಡ್ಡಿ ಕೊಡಿಸಿದ ಅಪ್ಪ,
ಸಾಲದಿ ನನಗಾಗಿ ಸೈಕಲ್ ಕೊಂಡ ಅಪ್ಪ,
ಮುನಿಸಿಕೊಂಡಾಗ ಅನ್ನ ತಿನ್ನಿಸಿದ ಅಪ್ಪ.
ಅಕ್ಕ ಬಡಿವಾಗ ಬಿಡಿಸಿದ ಅಪ್ಪ,
ಕಣ್ಣ ನೀರ ಒರೆಸಿದ ಅಪ್ಪ,
ನನಗಾಗಿ ಹದಿನಾಲ್ಕು ವರ್ಷ ಜೀತ ಮಾಡಿದ ಅಪ್ಪ,
ಸಂಸಾರ ನೌಕೆಗೆ ಜೀವತೇದ ಅಪ್ಪ,
ಬಿತ್ತಿ ಬೇಸಾಯ ಮಾಡಿ ದುಡಿದ ಅಪ್ಪ,
ತಾನು ಹಸಿದು ನನಗೆ ಅನ್ನವಿಟ್ಟ ಅಪ್ಪ.
ಕತ್ತಲಲ್ಲಿ ಬೆಳಕಾಗಿ ಹೆಗಲ ಮೇಲೆ ಒತ್ತು ನಡೆದ ಅಪ್ಪ,
ಸುರಿವ ಮಳೆಯಲಿ ಬಾಚಿತಬ್ಬಿದ ಅಪ್ಪ,
ನಮ್ಮ ಮನೆಯ ನಂದಾದೀಪ ಅಪ್ಪ,
ನನ್ನ ಬಾಳಿನ ಬೆಳಕು ನೀನಪ್ಪ,
ಧನ್ಯನಾದೆ ನಿನ್ನ ಮಗನಾಗಿ ಅಪ್ಪ,
ನಾ "ತೀರಿಸಲಾರೆ ನಿನ್ನ ಋಣ" ಎಂದಿಗೂ ಅಪ್ಪ..
Spb..@#
- Spb...@#
25 Jul 2017, 12:13 am
Download App from Playstore: