ಬಾಣ ಹೂಡಿ ಹೆದರಿಸಬೇಡ
ಕಾಡಿನಲ್ಲಿ ಅಲೆಯುತ್ತಿರುವ
ಒಂಟಿ ಜಿಂಕೆ ನಾನು!!
ಬಾಣ ಹೂಡಿ ಹೆದರಿಸಬೇಡ
ನೀ ಹೋಗು ಬೇಟೆಗಾರ!!
ಅದು ಹೇಗೋ ನನ್ನವರೆಲ್ಲರಿಂದ
ದೂರಾಗಿ ಒಂಟಿಯಾಗಿರುವೆ!!
ಆದರೂ ಈ ಕಾಡಿನಲ್ಲಿ
ನಾ ನನ್ನವರ ಹುಡುಕುತ್ತಿರುವೆ!!
ಕ್ರೂರ ಮೃಗಗಳ ದೃಷ್ಟಿ ತಾಕದಂತೆ
ಮೈಯೆಲ್ಲ ಕಣ್ಣಾಗಿಲಿ ಅಲೆದಿರುವೆ!!
ಕ್ಷಣ ಕ್ಷಣಕ್ಕೂ ಹೆದರಿರುವ ಈ ನನ್ನ
ಕಣ್ಣುಗಳ ಕಂಡು ಮರುಕ ಬಾರದೇ!!
ನೊಂದಿರುವ ಪಾಪದ ಜೀವಿ ನಾ
ಎಲ್ಲವನ್ನೂ ಕಳೆದುಕೊಂಡಿರುವೆ!!
ಬಾಣ ಹೂಡಿ ಹೆದರಿಸಬೇಡ
ನೀ ಹೋಗು ಬೇಟೆಗಾರ!!
- ಪಿ.ಜಿ.ಜ್ಯೋತಿ
01 Aug 2017, 11:03 am
Download App from Playstore: