ಬಂಗಾರದ ಅಂಚಿನ ಸೀರೆ
ಬಂಗಾರದ ಅಂಚಿನ ಸೀರೆ
ನೀ ತೊಟ್ಟಿರೆ ಚಂದವು ನೀರೆ!!
ಬಳುಕುವ ಮೈಯಲಿ ಬಾರೀ
ಹೊಳಪನು ನೀಡಿದೆ ನಾರಿ!!
ನಾಬಿಗೆ ಅಂಟಿದ ನೆರಿಗೆ
ತಾ ಜಾರಿದೆ ಪಾದದ ವರೆಗೆ!!
ರವಿಕೆಯ ಸುತ್ತಲು ಸೆರಗು
ತಂದಿದೆ ಬಾರೀ ಮೆರಗು!!
ಕಾಮನ ಬಿಲ್ಲಿನ ಬಣ್ಣ
ನಿನ್ನ ಸುತ್ತಲೂ ಹರಡಲು ಚೆನ್ನ!!
ಸೂರ್ಯಾಸ್ತದ ಆ ರಂಗು
ಸೋಕಿತೇ ನಿನ್ನಯ ಕೆನ್ನೆ!!
ನಾಚಿಕೆ ಏತಕೆ ಚೆಲುವೆ
ನೀ ಚೆಲ್ಲುತ ಬಾರೆ ಒಲವ!!
ದಿಬ್ಬಣದ ಮನೆಯಲ್ಲಿ ನಿನ್ನ
ಕಾದಿರುವನು ಒಬ್ಬ ವರನು!!
- ಪಿ.ಜಿ.ಜ್ಯೋತಿ
01 Aug 2017, 11:15 am
Download App from Playstore: