ಸಂಪತ್ತಿನ ಪ್ರದರ್ಶನ
(ಲಕ್ಷ್ಮಿಹಬ್ಬದ ಆಚರಣೆ)
ಆರುಮೊಳ ಸೀರೆಯುಟ್ಟು
ಮೂರುಮೊಳ ಕೂರುವ
ಮುತ್ತೈದೆಯು ನೀನು!
ಗಗನಯಾತ್ರೆಯು ನಿನ್ನದು
ಹಿಡಿದಿಡುವ ಪ್ರಯತ್ನವು ನಮ್ಮದು
ನಿಲ್ಲುವೆಯ ಸ್ಥಿರವಾಗಿ ಎಂದೆಂದು!
ತರ-ತರಹದ ಫಲಪುಷ್ಪಗಳು
ವಿಧ-ವಿಧವಾದ ತಿನಿಸುಗಳು
ಅರ್ಥವಿಲ್ಲದ ಹಲವು ಆಚರಣೆಗಳು!
ನಿನದೊಂದು ಮೂರುತಿ
ಕೂರಿಸುವರು ಮಾಡುತ ಆರತಿ
ಕ್ಷಣಿಕವಾದ ಅನಿಯಮಿತ ಭಕುತಿ!
ಸಿರಿ-ಸಂಪತ್ತಿನ ಪ್ರದರ್ಶನ
ಮುತ್ತೈದೆಯರಿಗೆ ಆಹ್ವಾನ
ನೀಡುವರು ಬಾಗೀನ!
ಜಗವ ಕುಣಿಸುವ
ಜಗನ್ಮಾತೆಯು ನೀನು
ನಿನಗೆ ನಾವು ಶರಣು!
ಶಾರಧ
- ಶಕುಂತಲಾ
05 Aug 2017, 04:49 pm
Download App from Playstore: