ಸ್ನೇಹವೊಂದೇ ಆಸ್ತಿ
ಸ್ನೇಹ ಬೆಸೆದ ಬಂಧ ನೀವು
ಬದುಕಿಗೆ ಜೀವ ತುಂಬಿದ ನೀವು
ನನ್ನೆದೆಯ ಸಿಂಹಾಸನದ ಮುತ್ತುಗಳು
ಈ ಹೃದಯ ಸಂಪಾದಿಸಿದ ಸಂಪತ್ತುಗಳು
ಪ್ರತಿಫಲದ ಅಪೇಕ್ಷೆಯಿಲ್ಲದೆ
ಪ್ರತಿ ಸ್ಪಂದನೆಯ ರೂಪವೇ ನೀವು
ಯಾವ ಪ್ರತಿರೋಧವೂ ಬರದಂತೆ
ಬದುಕ ಮುನ್ನಡೆಸಿ ದವರು ನೀವು
ನೋವಿರಲಿ ನಲಿವಿರಲಿ ಮೊದಲು
ಕೈ ಜೋಡಿಸುವವರು ನೀವು
ಸೋಲಿರಲಿ ಗೆಲುವಿರಲಿ ಎಲ್ಲದರಲೂ
ಸವಿನಯದ ಸಹಭಾಗಿಗಳು ನೀವು
ನನ್ನನ್ನು ಆ ಶಿಖರಕ್ಕೇರಿಸಲು
ಮೆಟ್ಟಿಲಾದವರು ನೀವು
ನನ್ನ ಭಾವಮಗುವು ನಗಲು
ತೊಟ್ಟಿಲಾದವರು ನೀವು
ಸ್ನೇಹವೊಂದೇ ನಮ್ಮ ಆಸ್ತಿ
ಸ್ನೇಹವೊಂದುಳಿದುದೆಲ್ಲಾ ನಾಸ್ತಿ
ಸ್ನೇಹವೇ ಬದುಕಿನ ಆಧಾರ
ಸ್ನೇಹವೇ ಸದ್ಭಾವದ ಸಂಸ್ಕಾರ
0724ಎಎಂ06082017
*ಅಮುಭಾವಜೀವಿ*
- ಅಮುಭಾವಜೀವಿ (ಅಪ್ಪಾಜಿ ಎ ಮುಸ್ಟೂರು )
06 Aug 2017, 09:41 am
Download App from Playstore: