ಗಜಲ್
ಮಂಕು ಕವಿದ ನನ್ನ ಭಾವಗಳಿಗೆ
ಗೆಳತಿ ನೀನೇ ವಾಸಿ ಮಾಡೋ ಗುಳಿಗೆ
ನನ್ನೆಲ್ಲಾ ನೋವುಗಳ ಆಳಕಿಳಿದು
ಅವನ್ನೆಲ್ಲಾ ನಿವಾರಿಸಲು ಬಂದೆ ಬಳಿಗೆ
ಸತ್ತ ಭರವಸೆಗಳ ಮತ್ತೆ ಬದುಕಿಸಿ
ಹಣತೆ ಹಚ್ಚಿದೆ ನೀ ಬಾಳ ಕತ್ತಲೆಯೊಳಗೆ
ಎಲ್ಲ ಅವಮಾನಗಳ ಸಂತೈಸಿ
ಮತ್ತೆ ಪುಟಿದೇಳುವಂತೆ ಮಾಡಿದೆ ನನ್ನೊಳಗೆ
ಹಾರತುರಾಯಿಗಳಿಂದು ಬೀಳುತಿವೆ
ಅಂದು ಸೋತು ಸೊರಗಿದ್ದ ಕೊರಳಿಗೆ
ಅಮು ಎಂಬ ಕೂಸನ್ನು ಹುಟ್ಟುಹಾಕಿದೆ
ನಿನ್ನ ಛಲದ ಬಲವಿತ್ತು ನನಗೆ
0559ಎಎಂ08082017
ಅಮುಭಾವಜೀವಿ
- ಅಮುಭಾವಜೀವಿ (ಅಪ್ಪಾಜಿ ಎ ಮುಸ್ಟೂರು )
08 Aug 2017, 06:30 am
Download App from Playstore: