ಪ್ರೀತಿಯ ಪ್ರಸ್ತಾಪ
*ಪ್ರೀತಿಯ ಪ್ರಸ್ತಾಪ*
ವರ್ಷದ ಹಿಂದೆ
ನೀ ನನ್ನ ಬಾಳಲ್ಲಿ ಬಂದೆ
ಅಂದು ನಿನ್ನ ನೋಡಿ ನಾ ನಕ್ಕೆ
ನನ್ನ ನೋಡಿ ನೀ ನಕ್ಕೆ
ಅಂದೇ ನಾವಿಬ್ಬರು ಸ್ನೇಹಿತರಾದೆವು
ಕಷ್ಟ ಸುಖಗಳಲ್ಲಿ ಒಂದಾದೆವು
ನಿನ್ನ ಮುಗ್ಧ ಮನಸ್ಸು, ಆ ಕೆಂದುಟಿಯ ನಗು
ಏನೋ ಹೇಳ ಹೊರಟಿರುವ ಮೀನಿನಂತಹಾ ಕಣ್ಣುಗಳು
ಇವೆಲ್ಲವುಗಳಿಂದ ನಾ ನಿನ್ನ ಬಳಿಗೆ ಆಕರ್ಷಿತನಾದೆ
ನಿನಗೇನೋ ಹೇಳಬೇಕೆಂದು ನನ್ನ ಮನ ಹಂಬಲಿಸುತಿದೆ
ನಮ್ಮ ಸ್ನೇಹವಿಂದು ಪ್ರೀತಿಯೆಡೆಗೆ ಬಾಗುತಿರೆ
ಇದ ನಿನಗೆ ಹೇಳುವ ಮಾರ್ಗ ನಾ ಹುಡುಕುತಿರೆ
ಅದಕಾಗಿ ನಾ ಈ ಕವನ ಬರೆಯುತಿರೆ
ಇದ ನಿನಗೆ ತಲುಪಿಸಲಾಗದೆ ಮನ ಮರುಗುತಿರೆ
ಪ್ರಿಯೇ,
ನನ್ನ ಮನದ ಹಂಬಲ ಹೇಳಲಿ ಹೇಗೆ?
ನನ್ನ ಹೃದಯದ ಮಾತು ನಿನಗೆ ಅರ್ಥವಾಗದೇ?
-ಅರೆಯೂರು ಚಿ.ಸುರೇಶ್
- ಅರೆಯೂರು ಚಿ. ಸುರೇಶ್
08 Aug 2017, 07:47 am
Download App from Playstore: