ಪ್ರೀತಿಯ ಸಿರಿತನ
ಇನಿಯ ನಿನ್ನ ಪ್ರೀತಿಯ
ಸಿರಿತನವನು ಕಂಡು
ಕಡಲಿನ ಆಳದ ಮುತ್ತಿಗೂ
ಬಂದಿತೇ ಬಡತನ!!
ಒಲ್ಲೆನೆಂದರೂ ಮನಸು
ಬಲವಂತವಾಗಿ ಸೆಳೆದು
ಬಯಸಿತೇ ನಿನ್ನ ಅಂತರಂಗದ
ಮುಗ್ಧ ಪ್ರೀತಿಯನ್ನು!!
ಕತ್ತಲ ಕಾನನದ ತುಂಬೆಲ್ಲ
ಹಣತೆಯನ್ನು ಬೆಳಗಿಸಿ
ಸಂಭ್ರಮಿಸ ಬಯಸಿತೇ
ನನ್ನ ಈ ಹುಚ್ಚು ಮನಸು!!
ಎತ್ತಲೋ ಓಡಿದ ಭಾವವನ್ನು
ಹಿಂದಿರುಗಿ ಕರೆಯುವ
ಮನಸಿಲ್ಲದೇ ಹೃದಯದಲ್ಲಿ
ಹೊಸದಾಗಿ ಹುಟ್ಟಿತೇ ಪ್ರೀತಿ!!
- ಪಿ.ಜಿ.ಜ್ಯೋತಿ
09 Aug 2017, 08:52 am
Download App from Playstore: