ಮರಳಿ ಮರಳಿ ಏಕಾಂತ
ಮರಳಿ ಮರಳಿ ಏಕಾಂತ
ನನ್ನನೇ ಹುಡುಕಿ ಬರುತಿದೆ ಏಕೆ!!
ಕೊರಗಿ ಕೊರಗಿ ನಾನಿಲ್ಲಿ
ಕೂರಲು ಅದಕೆ ಸಂತಸವೇ!!
ನಿದಿರೆಯಲ್ಲೂ ಕನಸಿನ ಬಾದೆ
ಒಂಟಿಯಾಗೇ ಕಾಡಿದೆ ನನ್ನ!!
ಹಗಲಿನಲ್ಲೂ ಏಕಾಂತದ ಸಲಿಗೆ
ಅಂತರವಿಲ್ಲದೇ ಅಂಟಿದೆ ನನ್ನ!!
ಮರಳುಗಾಡಿನಲ್ಲಿ ಕಾಲು ಮುರಿದು
ಕುಳಿತವನ ಚಿಂತೆ ಅರಿತವರಾರು!!
ಏಕಾಂತದಲ್ಲಿ ನೊಂದವನಿಗೆ
ಸಾಂತ್ವನ ನೀಡುವವರಾರು!!
ಬೆಂಕಿಗೆ ಆಹುತಿಯಾಗಿ ಕರಗುತ್ತಿರುವ
ಮೇಣದಂತಹ ಬದುಕು ಇದು!!
ಚೂರು ಬೆಳಕ ಕಂಡ ಸಂತಸದಲ್ಲಿ
ಬದುಕನ್ನು ಬಲಿ ಪಡೆಯುತ್ತಿದೆ!!
ಸರಾಗವಾಗಿ ಹರಿಯುತ್ತಿರುವ
ಕಣ್ಣೀರಿಗೇನು ಕೊರತೆ ಕಣ್ಣಲ್ಲಿ!!
ಒಂಟಿಯಾದ ಮನಸಿನ ರೋದನೆ
ಮುಗಿಲಿಗೂ ಮಿಗಿಲಾದ ವೇದನೆ!!
- ಪಿ.ಜಿ.ಜ್ಯೋತಿ
09 Aug 2017, 09:16 am
Download App from Playstore: