ಮೆಲುಕು
ನೆನಪೆಂಬ ಪುಸ್ತಕವ ತೆರೆದು
ಪ್ರೀತಿ ಪುಟಗಳ ಹುಡುಕಿ
ಮತ್ತದೇ ಹಾಳೆಗಳ ತಿರುಗಿಸಿ ಮುರುಗಿಸಿ
ಆ ಚೆಂದದ ದಿನಗಳ ಮತ್ತೆ ಮತ್ತೆ ನೆನಪಿಸಿ
ನಮ್ಮಿಬ್ಬರ ಪಟವ ನಾ ನೋಡುತಿರಲು
ಕಣ್ಣಂಚಿನಲ್ಲಿ ನೀರಾದೆ ನೀನು
ನಿನ್ನ ನೋಡುತಿರಲು ಮನಕುಣಿಯುತಿತ್ತು,
ತುಟಿ ನಗುತಲಿತ್ತು, ಕಣ್ಣರಳುತಿತ್ತು
ನಿನ್ನ ನೆನದರಿಂದು ಮನಶೋಕವಾಯ್ತು,
ತುಟಿ ಬಾಡಿಹೋಯ್ತು, ಕಣ್ಣೀರು ಬಂತು
ಕಣ್ಣೀರಿನ ಜೊತೆಗೆ ದಿನ ಬಳಿಗೆ ಬರುವೆ
ಕೆನ್ನೆ ಮೇಲೆ ಮುತ್ತಿಟ್ಟು ನೀ ಜಾರಿ ಹೋಗುವೆ
ಎದೆಗೂಡನಿಂದು ಖಾಲಿ ಮಾಡಿ ಹೋದೆ
ಎಲ್ಲರಿದ್ದರೂ ನೀನಿಲ್ಲ, ನಾ ಒಂಟಿಯಾದೆ
ಪ್ರೀತಿ ಎಂದರೇನಂತ ನೀ ಕಲಿಸಿಕೊಟ್ಟೆ
ಆಕಾಶ ಮುಟ್ಟಿಸಿ ಕೆಳದೂಡಿಬಿಟ್ಟೆ
ಈ ಮುರಿದ ಹೃದಯವ ನಾ ಹೇಗೆ ಜೋಡಿಸಲೇ?
-ಅರೆಯೂರು ಚಿ.ಸುರೇಶ್
- ಅರೆಯೂರು ಚಿ. ಸುರೇಶ್
11 Aug 2017, 11:49 am
Download App from Playstore: