ಮೌನದ ಮರೆಯಲಿ ಮನಸಿನ ಮಾತು
ಸಂಜೆಗತ್ತಲು ಕವಿದ ಮೇಲು
ನಿನ್ನ ನೆನಪು ಕಾಡುತಿಹುದು
ನೀನಿರದ ಸನಿಹದಲ್ಲಿ
ಮಾತು ಮೌನವಾಗಿದೆ.
ಕಂಡ ಕನಸು ನಿಜವಾಯಿತು
ಕಣ್ಣಂಚಿನಲ್ಲಿ ಕಂಡು ಕಾಣದ
ಹೃದಯದ ವೇದನೆ
ಹನಿಯಾಗಿ ಭೂಮಿಯ
ತಾಗುವ ಮುನ್ನ ,ಬರಬಾರದೇ
ನನ್ನೀ ಸನಿಹಕೆ!!
ಕಂಗಳ ಹಿಂದಿನ ಕಂಬನಿ
ಏನೋ ಹೇಳಲು ಬಯಸಿದಂತಿದೆ
ನನ್ನ ಸಾಲಿನ ಕತೆಗಳು
ಎಂದೋ ಮುಗಿಯದ ಮೌನದಂತಿದೆ,
ಮನದ ಆಸೆ ನೂರಾರು
ನಿನ್ನೀ ನೆನಪು ಕಾಡುತಿದೆ,
ಆರದ ಗಾಯವ ಮಾಡಿದೆ
ಮನಸಿನ ಪುಟದಲಿ.
ನೀ ದೂರ ಹೋಗುವ ಮುನ್ನ
ನಾ ಮರಳುವೆ
ಬಾರದ ಲೋಕಕೆ!!
- ಪ್ರಿಯಾಂಕ
13 Aug 2017, 07:26 pm
Download App from Playstore: