ಏಕಾಂಗಿ
ಕಣ್ಣೀರಿನ ಜೊತೆಯಲ್ಲಿ
ಸಾಗಬೇಕಿದೆ ನನ್ನೀ ಜೀವನ,
ನನ್ನೀ ಹುಚ್ಚು ಕನಸುಗಳಿಗೆ
ವಿದಾಯ ಹೇಳಬೇಕಾಗಿದೆ!
ಗೊತ್ತು ಗುರಿಯಿಲ್ಲದ ಪಯಣದಲಿ
ಏಕಾಂಗಿ ಹೋರಾಟ ನನ್ನದು,
ನನ್ನವರಿಲ್ಲದ ಜೀವನದಲ್ಲಿ
ಬದುಕಬೇಕಾಗಿದೆ ನಾನು ನನಗಾಗಿ!
ನನ್ನ ಮನದ ಮಾತುಗಳೇಕೊ
ಮೌನದಲ್ಲಿ ಅಡಗಿ ಕುಳಿತಿದೆ,
ನಾನತ್ತರೂ ನಕ್ಕರೂ
ಕಣ್ಣೀರಿನ ಬಣ್ಣ ಮಾತ್ರ
ಬದಲಾಗದು!
ಅದೆಷ್ಟೇ ದೂರ ಹೋದರೂ
ಹಿಂಬಾಲಿಸುವ ನೆರಳಿನಂತೆ,
ಮತ್ತೆ ಮತ್ತೆ ಕಾಡುತ್ತಿವೆ
ಇಷ್ಟವಿಲ್ಲದ ನೆನಪುಗಳು!
- ಪ್ರಿಯಾಂಕ
14 Aug 2017, 10:34 am
Download App from Playstore: