ಪ್ರೀತಿಯ ಕಾಣಿಕೆ
ಪ್ರೀತಿಯ ಕಾಣಿಕೆಯಾಗಿ
ಬಂದಿರೆ ಬಾಳಲಿ ನೀನು
ಸೋಜಿಗವು ಸಂಭ್ರಮವು
ಈ ಬದುಕಿಗೆ ಆನಂದವು!!
ಜೊತೆಯಲಿ ನೀನಿರುವಾಗ
ನನ್ನ ಭಾಗ್ಯಕೆ ದೊರೆತ ಯೋಗ
ಸುಂದರವು ಆ ಕ್ಷಣವು
ಸವಿ ಬದುಕಿನ ಮುನ್ನುಡಿಯು!!
ಬಾಯಾರಿದ ಈ ಮನಕೆ
ನೀ ಬಂದು ದಾಹ ನೀಗಿದೆ
ಒಲವಿಂದ ಆಗಲೇ ನೀನು
ನನ್ನ ಮನವ ಸೇರಿದೆ!!
ಬಯಸಿ ಬಯಸಿ ಹೆಮ್ಮರವಾಗಿ
ಬೆಳೆದ ಪ್ರೀತಿ ಹೂ ಬನವಾಗಿ
ಸೊಗಸಾಗಿ ಹಿತವಾಗಿ
ನಮಗಾಗಿ ಕಂಪ ಬೀರಿದೆ!!
- ಪಿ.ಜಿ.ಜ್ಯೋತಿ
15 Aug 2017, 06:39 pm
Download App from Playstore: