ಅಸುನೀಗಿದ ಬಾಲ್ಯ
ಈ ಹರೆಯ ಬಂದ ಮೇಲೆ
ಅಸುನೀಗಿತೇ ನನ್ನ ಬಾಲ್ಯ!!
ತುಂಟಾಟ ಹುಡುಗಾಟವನ್ನು
ನಾ ಮರೆತು ಮೈ ನೆರೆದೆ!!
ದೂರದಲ್ಲಿ ಆಡೋ ಬಯಕೆ
ಕೈ ಬೀಸಿ ಕರೆದಂತಿಹುದು!!
ಯಾರೋ ತಡೆಯುತಿಹರು ನನ್ನ
ಹೋಗದಂತೆ ನಾನು ಅಲ್ಲಿ!!
ನಾಲ್ಕು ಗೋಡೆಯ ನಡುವೆ
ಕಳೆದುಕೊಂಡೆ ಬಾಲ್ಯದ ಒಡವೆ!!
ಹುಡುಕಿದರೂ ಸಿಗದ ನಿರಾಸೆ
ಯಾಕಾಗಿ ನನಗೆ ಈ ಹತಾಶೆ!!
ಹೊಸದಾಗಿ ಮೂಡಿಹುದು
ಮುಖದಲ್ಲಿ ಈ ಮೊಡವೆ!!
ನನ್ನಲ್ಲಿ ಚಿಗುರೊಡೆದದ್ದು
ನಾಚಿಕೆಯ ಹೆಮ್ಮರವೇ!!
ಗಂಡು ಹೆಣ್ಣು ಎಂಬ ಬೇಧ
ಅರಿಯದಂತೆ ನಾನು ಇದ್ದೆ!!
ಹರೆಯ ಬಂದು ಹೇಳುತ್ತಿಹುದು
ಹೆಣ್ಣಾದೆ ನೀನು ಎಂದು!!
- ಪಿ.ಜಿ.ಜ್ಯೋತಿ
16 Aug 2017, 09:42 am
Download App from Playstore: