ವಿಹಾರಿ
ನಾನು ಕನಸುಗಳ ವಿಹಾರಿ
ಮುಂಜಾನೆ ಬಿದ್ದ ಕನಸುಗಳನು
ಕಣ್ಣಲ್ಲೇ ಬಚ್ಚಿಟ್ಟಿರುವೆನು!
ಸಾಗರದ ಕಪ್ಪೆಚಿಪ್ಪಿನಲಿ ಅಡಗಿರುವ
ಮುತ್ತಿನಂತೆ ನನ್ನ ಬದುಕು.
ಸಾಗರವನ್ನೇ ಈಜಿ
ಮುತ್ತನ್ನು ಕದಿಯಬಲ್ಲ
ಸಾಹಸಿ ಅವನು!
ನನ್ನೀ ಹೃದಯದಲ್ಲೀಗ
ಅವನ ಪ್ರೀತಿಯದೇ ಕಾರುಬಾರು.
ಜೋಡಿ ಹಕ್ಕಿಯಂತೆ
ಸಂಭ್ರಮಿಸಿದೆವು ಪ್ರೀತಿಯ ಗೂಡಿನಲ್ಲಿ!
ಜೊತೆಯಾಗಿ ಬಹುದೂರ
ವಿಹರಿಸಿದಂತೆ ಅಸ್ಪಸ್ಟ ಚಿತ್ರಣಗಳು.
ಕಂಗಳಲ್ಲಿ ನಿನ್ನ ಬಿಂಬವ
ಅಡಗಿಸಿರಲು ಸೋತುಹೋಗಿಹ
ಪ್ರೇಮಿ ನಾನು!
ಖಾಲಿ...ಮನಸಿನ ಹುಚ್ಚು ಕನಸಿದು.....
ತಪ್ಪುತಿಳಿಯಬೇಡಿರಿ,
ಮತ್ತೊಂದು ಕನಸಿನತ್ತ
ವಿಹಾರಿಸಬೇಕಿದೆ!
- ಪ್ರಿಯಾಂಕ
18 Aug 2017, 05:00 pm
Download App from Playstore: