ನೆನಪುಗಳ ಮೆರವಣಿಗೆ
ಒಮ್ಮಿಂದೊಮ್ಮೆ ಅಬ್ಬರಿಸುವ
ಅಲೆಗಳಂತೆ
ಹಚ್ಚಹಸಿರಾಗಿವೆ ಇಂದು
ಮನಸಿನ ಪುಟದ ಮೂಲೆಯಲ್ಲಿ!
ದಿನವಿಡೀ ನೆನಪಿಸಿದರೂ
ನೆನಪಾಗದ ನೆನಪುಗಳು!
ಕಾಡುತಿಹುದು ನೆನಪಿನಂಗಳದಿ
ಜಿನುಗುತ್ತಿರುವ ಮಳೆಹನಿಯಂತೆ
ಮರೆಯಬೇಕೆಂದಿರುವ ನೆನಪುಗಳು!
ಮತ್ತೆ ಮತ್ತೆ ಮರುಕಳಿಸುವ
ಬಾಲ್ಯದ ನೆನಪುಗಳು!
ಕನಸಿಗೆ ಕಚಕುಳಿ ನೀಡುವ
ಪ್ರೀತಿಯ ನುಡಿಮುತ್ತುಗಳು!
ಜೊತೆಗಿರದೆ ದೂರದಲ್ಲಿದ್ದರೂ
ಒಂದುಗೂಡಿಸುವ ನೆನಪುಗಳು!
ಮರೆತರೂ ನೆನಪಾದಂತೆ ನಟಿಸಿ
ಮತ್ತೆ ಮರೆಯಾಗದ ನೆನಪುಗಳು!
ಒಮ್ಮೊಮ್ಮೆ ಸಂತೋಷಪಡಿಸಿ
ಮತ್ತೊಮ್ಮೆ ದುಃಖದಲ್ಲಿ ಮುಳುಗಿಸಿ
ಬಹುದೂರ ಹೊತ್ತು ಸಾಗುವ
ನೆನಪುಗಳೇ ಶಾಶ್ವತ!
- ಪ್ರಿಯಾಂಕ
20 Aug 2017, 08:14 pm
Download App from Playstore: