ಬೂದಿ ಮುಸುಕಿದ ಕೆಂಡ
ಬೂದಿ ಮುಸುಕಿದ ಕೆಂಡವೇ
ನಾ ನಿನ್ನ ಅರಿಯಲಾರದೇ ಹೋದೆ!!
ಗೆಳೆತನವ ಬೆಸೆಯ ನಾ ಬಂದು
ನಡುವಿನ ಬಿಸಿಯಲ್ಲಿ ನಿಂತುಬಿಟ್ಟೆ!!
ತಡೆಯಲಾರದ ಶಾಖ ಸುಡುತಿಹುದು
ಮಿತಿ ಮೀರಿ ನನ್ನಯ ಪಾದ!!
ಮತಿ ಭ್ರಮಣೆ ಆಯಿತೇ ನನಗೇ
ಯಾಕಾಗಿ ನಾನು ಇಲ್ಲಿ ಬಂದು ನಿಂತೆ!!
ಓಡಿ ಹೋಗುವುದಾದರೂ ಎಲ್ಲಿ
ಸುತ್ತಲೂ ಹರಡಿಹುದು ಬಿಸಿ ಕೆಂಡ!!
ಓಡುವ ಬರದಲ್ಲಿ ಮುಗ್ಗರಿಸಿ ಬಿದ್ದರೆ
ಮೈಯೆಲ್ಲ ಆಗುವುದು ಸುಟ್ಟ ಗಾಯ!!
ಉಳಿದಿರುವುದು ಒಂದೇ ದಾರಿ
ನಾನು ನಿಂತಿರುವಲ್ಲೇ ನಿಲ್ಲಬೇಕು!!
ನೋವಿಂದ ಕಣ್ಣೀರ ಸುರಿಸಿ ನಾ
ಉರಿಯುವ ಕೆಂಡವ ಆರಿಸಬೇಕು!!
- ಪಿ.ಜಿ.ಜ್ಯೋತಿ
21 Aug 2017, 08:32 am
Download App from Playstore: