ಹರಸಿರಿ ನನ್ನ ಹರಸಿರಿ
ಹರಸಿರಿ ನನ್ನ ಹರಸಿರಿ
ಹಸಿರೆಲೆಗಳೇ ನನ್ನ ಹರಸಿರಿ!!
ಹರಸಿರಿ ನನ್ನ ಹರಸಿರಿ
ನಗುವ ಹೂಗಳೇ ಹರಸಿರಿ!!
ಹುಸಿ ನುಡಿಯನು ನಾನಾಡೆನು
ಹೊಸ ಬದುಕು ನನ್ನ ಕರೆದಿದೆ!!
ಹಸಿರಾಗಿರೋ ಈ ಬಾಳಿಗೆ
ಹೊಸ ಚಿಗುರ ಅರ್ಪಣೆ ಕಾದಿದೆ!!
ಗಿಡ ಮರಗಳೇ ಗಿರಿ ವನಗಳೇ
ನನ್ನ ತವರು ಊರ ಸಿರಿಗಳೇ!!
ನಾ ಬಯಸಿದ ವನ ಪುಷ್ಪವೇ
ನೀ ಏರು ಬಾ ನನ್ನ ಶಿರವನು!!
ಓ ಗಿಣಿಗಳೇ ಅರೆ ಗಿಣಿಗಳೇ
ಈ ಬನವು ನಿಮ್ಮದು ಕಾಯಿರಿ!!
ನಾ ಸಾಗುವೆ ಬಹು ದೂರಕೆ
ನೀವು ನನ್ನ ಹರಸಿ ಕಳುಹಿರಿ!!
- ಪಿ.ಜಿ.ಜ್ಯೋತಿ
21 Aug 2017, 08:45 am
Download App from Playstore: