ಕಲ್ಪನೆಯಿಂದ ಕನಸಿನ ಸೋಲು
ಕಟ್ಟುತಿರುವೆ ಕನಸಿನ
ಕೋಟೆ......
ವ್ಯರ್ಥವಾದೀತು
ಜೋಕೆ.....
ತಿಂಗಳನ ಅಂಗೈಯಲ್ಲಿ
ಹಿಡಿದ ಕನಸು.......
ಬೆಳ್ಳಿಯ ಅಂಗಳಲ್ಲಿ
ಹಾರಿದ ಕನಸು.....
ಉಳಿಯುವುದು ಎಲ್ಲ
ಬರಿಯ ಕನಸಾಗಿಯೆ...
ಕಣ್ಣೆದುರಿನ ಕಾಯಕ
ಕೈಹಿಡಿದ ಕನಸು
ಮನದ ಬಯಕೆಗಳೆಲ್ಲ
ಫಲಿಸಿದ ಕನಸು
ಬರುವೆನೆನ್ನುತ ಎಲ್ಲ
ಕೈಜಾರಿತು ಕನಸಾಗಿಯೆ!
ಕನಸಿನ ಮೂಲ ಕಲ್ಪನೆ
ಕಲ್ಪನೆಯ ಮೂಲ ಬಯಕೆ
ನನ್ನ ಬಯಕೆ- ಕಲ್ಪನೆಗಳೆಲ್ಲ
ನನಸಾಗದೆ ಕನಸಾಗಿಯೆ ಕರಗುತಿಹವಲ್ಲ!
ಮನದ ತಳಮಳಕೆ ನೀನೆ ಒಡತಿಯಲ್ಲ!
ಕನಸು-ನನಸಾಗಲು ಮಾರ್ಗವ ತೋರು!
ಈ ಬರಡಾದ ಬಾಳಲ್ಲಿ ಕಿರು ನಗೆ ಬೀರು!
ಶಾರಧ
- ಶಕುಂತಲಾ
22 Aug 2017, 12:24 pm
Download App from Playstore: