ಪ್ರೀತಿಯ ಕಾಣಿಕೆ
ತುತ್ತು ತಿನ್ನಿಸಿ, ಜೋಗುಳದ ಪದ ಹಾಡಿ
ಮಮತೆಯ ಮಡಿಲಿನಲಿ
ಜೀವನದ ಹಾದಿಯನು ತೋರಿದ
ತಾಯಿಗೆ ಪ್ರೀತಿಯ ಕಾಣಿಕೆ!
ತಪ್ಪುಗಳನ್ನು ಮನ್ನಿಸಿ, ಕಣ್ಣೊರಿಸಿ ಮುದ್ದಿಸಿ
ಬೆವರ ಸುರಿಸಿ, ಲಾಲನೆ ಪೋಷಣೆ ಮಾಡಿದ
ಹೆಮ್ಮೆಯ ಅಪ್ಪನಿಗೆ
ತುಂಬು ಹೃದಯದ ಕಾಣಿಕೆ!
ಆಟ-ಪಾಟಗಳನು ಕಲಿಸಿ
ಉತ್ತಮ ಗುಣ-ನಡತೆಯ ತಿಳಿಸಿ,
ಗುರಿ ಮುಟ್ಟುವ ತನಕ
ಕೈಯ ಹಿಡಿದು ನಡೆಸೋ
ಗುರುವಿಗೆ ನೆನಪಿನ ಕಾಣಿಕೆ!
ನಗುವಿನ ಮುಖವಾಡ ಧರಿಸಿ,
ತನ್ನ ದು:ಖವನ್ನು ಒಳಗಡೆ ಬಚ್ಚಿಟ್ಟು
ನಗೆಗಡಲಲ್ಲಿ ತೇಲಿಸುತ್ತಿದ್ದ
ನಿಷ್ಕಲ್ಮಶ ಮನಸಿನ
ಅಣ್ಣಂದಿರಿಗೆ ಮಮತೆಯ ಕಾಣಿಕೆ!
ನಿನ್ನೊಲವಿನ ತುಂಬು ಪ್ರೀತಿಯನು
ನನಗೆ ಮಾತ್ರವೇ ಮೀಸಲಿರಿಸಿದ,
ಮುದ್ದು ಮನಸಿನ ಪೆದ್ದು ಹುಡುಗನಿಗೆ
ನನ್ನ ಕಣ್ಣೀರುಗಳೇ ಪ್ರೇಮದ ಕಾಣಿಕೆ!
- ಪ್ರಿಯಾಂಕ
25 Aug 2017, 03:47 pm
Download App from Playstore: