ಕಸುಗಳ ಬೆನ್ನೇರಿ
ಕನಸುಗಳ ಬೆನ್ನೇರಿ
ಸಾಗುವ ತವಕ
ಅರಿವಿಲ್ಲದ ಲೋಕಕ್ಕೆ
ತೆರಳುವ ತನಕ!!
ನಿದಿರೆಯ ಪರದೆಯೊಳು
ಕನಸಿನ ಬುತ್ತಿ ಕಟ್ಟಿ
ಮುನ್ನುಗ್ಗುತ ಸಾಗುವುದು
ಈ ಕನಸಿನ ಪಯಣ!!
ಕನಸಿನ ಚಿಲುಮೆಯೊಳು
ಬಣ್ಣದ ಕಳೆ ಮೂಡಿ
ಚೆಲ್ಲಿಹುದು ಚೈತನ್ಯ
ಮನಸಿನ ತುಂಬ!!
ಹೊಸ ಹೊಸ ಕನಸುಗಳು
ನಿದಿರೆಯೊಳು ಆವರಿಸಿ
ಬೆನ್ನಟ್ಟಿ ಬಂದಿಹುದು
ಎಚ್ಚರ ಆಗುವ ತನಕ!!
ಕನಸಿನ ಲೋಕದೊಳು
ಮೈ ಮರೆತು ವಿಹರಿಸುವಾಗ
ವಾಸ್ತವ ಅಲ್ಲದ ಕನಸು
ಮರೀಚಿಕೆ ಆದದ್ದು ನಿಜವೇ!!
ಕನಸಿನೊಳು ಧರೆಗಿಳಿದ
ಗಗನ ಕುಸುಮದ ಚೆಲುವು
ಮಾಸಿತು ನಿದಿರೆಯಿಂದ
ಹೊರ ಬಂದ ಗಳಿಗೆ!!
- ಪಿ.ಜಿ.ಜ್ಯೋತಿ
27 Aug 2017, 10:03 am
Download App from Playstore: